+26 °С
Ясно
Тирмәкәй
17 Февраля 2023, 09:15
«Һыуыҡ көндә шарт итә...»
«Һыуыҡ көндә шарт итә...»
Һыуыҡ көндә шарт итә...
Ел һеперһә, ялт итә.
Күпер булып ята ла
Һал булып ағып китә.
(Боҙ.)
* * *
Унда барһам да ҡоймаҡ,
Бында барһам да ҡоймаҡ.
Урман әбей бешергән,
Беҙҙең килерҙе уйлап.
(Бәшмәк.)
* * *
Бер мәлдә ул йомро йомғаҡ,
Бер мәлдә ул нәҡ ураҡ.
Арымай ҙа, талмай ҙа ул,
Йөрөй гел ерҙе урап.
(Ай.)
* * *
Йырлап сәстем, йырлап йыйҙым,
Илай-илай тураным.
Иланым, белһәм дә үҙем
Аш тәмләткес булғанын.
(Һуған.)
* * *
Тәүҙә ашап туйына,
Шунан яйлап йыуына.
Һунарсылап йөрөп ҡайтҡас,
Йоҡлай көндөң буйына.
(Бесәй.)
* * *
Кем килһә лә ҡаршы ала,
Ят ҡунаҡты өркөтә.
Үҙ бурысын яҡшы үтәп,
Аҙаҡ маҡтауҙы көтә.
(Эт.)
Булат МӨЛӨКОВтан йомаҡтар.
Хаят ЙӘРМӨХӘМӘТОВА һүрәте.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
