251-се балалар баҡсаһында был көндә “Балаларға китап бүләк итәйек” акцияһы иғлан ителде. Яңы баҫмалар ғына түгел, балалар инде уҡып сыҡҡан китаптар менән дә уртаҡлашырға була ине. Ата-әсәләр шулай эшләне лә. Улар был сарала ҙур теләк менән ҡатнашты.
Ә кескәйҙәр иһә тәрбиәселәр үткәргән әңгәмәләрҙә һорауҙарға яуап бирҙе, йомаҡтар систе, китаптар тураһында мәҡәлдәрҙең һәм әйтемдәрҙең мәғәнәһен аңлатты. Бик күңелле булды! Балалар китаптар менән һәр саҡ шулай дуҫ булһын.