“Балалар баҡсаһы үткәргән байрамдарға йөрөргә яратам. Балаларҙың ихласлығыыы! Йырлап, бейеп, шиғыр һөйләүҙәре үҙе ни тора! Уларға ҡарап, үҙең дә бала кеүек шатланаһың, көләһең”, – ти ул.
Был юлы атайҙар менән бергә ярышҡандар. Шау-гөр килеп уйнап, яҡшы кәйеф булдырғандар.
Байрамды Динә Нуритдин ҡыҙы Әҙелмурзина ойошторған. Ул балалар баҡсаһында физкультура дәресе алып бара, шахмат серҙәренә лә төшөндөрә. Бөтә ата-әсәләр исеменән рәхмәт, ти Гөлфиә Мөхәмәтдинова.