Беҙ был мәлдә тағараҡтар эшләп ағастарға эләбеҙ. Унда көнбағыш, бойҙай, икмәк валсыҡтары һалабыҙ.
Ҡоштар беҙгә рәхмәт әйткән төҫлө, башҡайҙарын эйә-эйә, тәмләп тороп ашай. Уларҙы күҙәтеүе миңә бик оҡшай. Ҡанатлы дуҫҡайҙар эргәһендә бөтә донъяңды онотоп оҙаҡ торорға була.
Ашап бөткәс тә осоп китергә ашыҡмайҙар. Тағы һораған һымаҡ, көтөп ултыра бирәләр. Туйғас, күңелдәре булып, ҡоштар яйлап осоп китә.
Ҡышын уларға ярҙам итәйек, дуҫтар!
Кәримә АҠМАНОВА, III «В» синыфы уҡыусыһы.
Сибай ҡалаһы, Рамаҙан Өмөтбаев исемендәге башҡорт лицейы.