+28 °С
Болотло
Тирмәкәй
27 Апрель 2024, 04:05
Хуш бул, Әлифба!
Ауырғазы районы Рәшит Назаров исемендәге Талбазы башҡорт гимназияһының беренселәре гөрләтеп «Әлифба» байрамын үткәрҙе. Әйткәндәй, улар әлифба дәреслеген күптән инде уҡып бөттө.
Хуш бул, Әлифба!
– Байрамға уҡыусыларҙың атай-әсәйҙәрен саҡырҙыҡ. Балалар яратҡан беренсе китабы хаҡында ихлас шиғырҙар һөйләп, йырҙар башҡарҙы.
Беҙгә һәр ваҡыт ярҙам ҡулы һуҙған ололарға рәхмәт һүҙҙәрен еткерҙек. Улар ҙа буш ҡул менән килмәгән ине. Атай-әсәйҙәр изге теләктәрен әйтеп, татлы бүләктәр ҙә тапшырҙы, – ти уҡытыусылары Айгөл Сыңғыҙ ҡыҙы Һатлыҡова.
Шундай иҫтәлекле байрам үткәргән беренселәр. Ҡарағыҙ әле, сәхнәлә лә үҙҙәрен бик оҫта тота улар. 1 сентябрь көнө тәүге тапҡыр мәктәп тупһаһын ҡыйыуһыҙ ғына атлап ингән кескәйҙәр хәҙер ҙурайҙы инде!
Байрам аҙағында малайҙар, ҡыҙҙар күңелдәре булғансы төрлө көйгә бейеп, йырлап, шатланышып өйҙәренә таралышты.
Уңыштар һеҙгә, беренселәр!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
