Йәш баянсы

«Бәйләнештә» социаль селтәрендәге ви­део­лары аша таныйҙар кескәй баянсыны. Батыр Рамаҙан Өмөтбаев исемендәге башҡорт лицейының IV синыфында уҡый. Музыка мәктәбенең баян синыфына йөрөүен дә дауам итәсәк (уҡытыусыһы – Иванова Наталья Ибраһимовна). Был музыка ҡоралы яҡын уға. Атаһы яғынан күптәр электән гармунсы бит, тальянда ла уйнағандар. Әсәһе лә педагогия училищеһында уҡығанда баянды үҙләштергән. Әйткәндәй, әле Батыр уйнаған баян – әсә­һенең студент сағынан ҡалған иҫтәлеге. Бына бит ни­сек!?

Му­зы­ка мәктәбендә уҡы­уы еңелдән түгел, әл­бит­тә. Нота буйынса уйнарға кә­рәк. Батыр интернеттан видеодәрестәр ҡа­рап, үҙ аллы ла бай­таҡ көйҙәрҙе ма­тур итеп башҡа­рырға өйрәнгән. Кү­ңел­ле, дәрт­ле­ләре оҡшай ма­лай­ға. «Әпипә», «Ҡа­­ра­бай», «Хә­ти­рә», «Суҡ му­­­йыл», «Сә­­­­­хипъ­ямал», «Са­фия»… «Ҡара бу­мер»­ҙы ла өйрәнгән әле. Каникулы шулай күңелле үтә.
Батыр шулай уҡ өйҙә лә ярҙам итә. Сүкеш, шөрөп борғос кеүек эш ҡоралдары менән дә эшләй белә. Оригами – яратҡан шөғөлө. Ике яҡтан да олатай-өләсәйҙәре менән дә күрешеп торалар.
Уҡыуҙы, синыфташтарын, уҡытыусыһы Әлфиә Зәбихулла ҡыҙы Таҡтаеваны һағын­ғайны Батыр. Быйыл Урал ҡустыһы ла уҡырға төштө бит, лицейға бергә йөрөйәсәктәр. Ҡалай шәп! Өҫтәүенә, ту­ғаны ла баянда уйнарға өй­­рәнергә теләген белдергән. Кү­ңелле буласаҡ, Алла бирһә.