Гран-при яулаған

Был һылыуҡай Азалина Ҡаҙнабаеваға – ни бары 4 йәш. «Хазина» полилингваль балалар баҡсаһына йөрөй. Бәләкәстең бер генә буш минуты юҡ. Башҡорт һәм инглиз телдәрен өйрәнә. Оҫта итеп бейей һәм йырлай. Ағаһы Бәхтейәр һәм Динислам менән пазл йыйырға ярата.

         Тәрбиәселәре Гөлнара Зәбир ҡыҙы Сафина һәм Нурсилә Вәхит ҡыҙы Зәйнетдинова ҡыҙсыҡтың бар һәләттәрен асырға тырышып ҡына тора. Ял көндәрендә Зарина Фәрит ҡыҙы Йәнбирҙина етәкләгән «Һомай-Урал аръяғы» матурлыҡ студияһына ла йөрөргә өлгөрә.  Әсәһе Әлиә менән торт, капкейктар бешерергә ярата.

         Бәләкәс матурҡай атай-әсәйҙәрен уңыштары менән дә ҡыуандыра.  Асҡарҙа һәм Өфөлә үткәрелгән «Ҡарһылыу-2025» конкурстарында Гран-при яуланы.

– Киләсәктә атайым кеүек кеше ғүмерен ҡотҡарыусы булам, – ти ул.

         Бар хыял-маҡсаттарың тормошҡа ашһын, һылыуҡай!