+19 °С
Ясна
Тирмәкәй
6 Июль , 06:57
Исеме лә Нинель бит!
– Әсәй, бөгөн беҙ гимнастикаға барабыҙмы? – тине Нинель Оморҙаҡова «Сиңерткә» балалар баҡсаһына йыйына-йыйына. Был спорт төрө буйынса бәләкәс ҡыҙҙың уңыштары бихисап, гел беренсе урын ғына яулай ул. Бүлмәһен Маҡтау ҡағыҙҙары биҙәй. Кескәй спортсыны тренеры ла маҡтап бөтә алмай.
Исеме лә Нинель бит!
Был тиктормаҫ ҡыҙға – ни бары 4 кенә йәш. Һылыу ҡыҙ «Акула» балалар кейемдәре брендын да рекламалап өлгөрә, модель студияһында ла шөғөлләнә.
– Оҫта итеп һүрәт төшөрөргә, төрлө үҫеш уйындары уйнарға әүәҫ, – ти әсәһе Гөлсирень.
– Ҡыҙыбыҙ бар яҡтан да зирәк, күҙ теймәһен. Велосипедта ла елдереп кенә йөрөй, – тип һүҙгә ҡушыла атаһы Илнур.
Мәскәү ҡалаһында йәшәгән Нинель Ейәнсура районының Бикбау ауылына өләсәйҙәренә ҡунаҡҡа ҡайтып ял итергә ашҡынып тора.
– Мин Гөлшат өләсәйемдә үҫкән баҡса еләге менән һыйланырға яратам, – тип ихлас йылмая ул.
Кескәй ҡыҙсыҡтың данлыҡлы аҙашы Нинель Юлтыева кеүек йондоҙ булып балҡыуын теләйек.
Исеме лә Нинель бит!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
