+19 °С
Ясна
Тирмәкәй
9 Июль , 09:38
Һоҡланғыс ҡыҙ үҫә
Был бик тапҡыр ҡыҙ Рәсилә Дәүләтшина Ейәнсура районының Мәрйәм Бураҡаева исемендәге башҡорт интернат-гимназияһында I синыфта белем ала. Отҡор ҡыҙыҡай «Урал батыр» эпосын уҡытыусыһы һәм әсәһе менән ятлай ҙа башланы. Өфөлә уҙған «Урал батыр» конференцияһында уңышлы сығыш яһап, ҡанатланып ҡайтҡан.
Һоҡланғыс ҡыҙ үҫә
– Уҡыусым бар йәһәттән дә сос, шиғырҙарҙы, тиҙәйткестәрҙе тиҙ отоп ала. Өйрәнсеккә йөрөгәндә үк ҙур күләмле шиғырҙар һөйләп һоҡландырғайны. Әле беҙ мәшһүр эпосыбыҙҙы уҡып сыҡтыҡ, ятлай ҙа башланыҡ, артабан да өйрәнеүҙе дауам итәбеҙ, – ти синыф етәксеһе Гөлйөҙөм Рәүеф ҡыҙы Күсәкова.
Рәсилә сатраш уйынын да мауығып уйнай икән. Ҡул эштәре түңәрәгенә лә йөрөй. Унда төрлө биҙәүестәр яһайҙар, бәйләргә өйрәнәләр. Йыр-моң да ярата үҙе.
– Мин хәҙер ҡумыҙҙа ла уйнай беләм. Гөлназ Хәким ҡыҙы Юлдашбаева өйрәтте, – тип ҡыуана Рәсилә.
Бына шундай һоҡланғыс ҡыҙ үҫә Ейәнсурала. Уға бәхетле бала саҡ теләйем.
Һоҡланғыс ҡыҙ үҫә
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
