Йүкә, балан, ҡайын, имән, уҫаҡ, шыршы, ҡарағай ағастары үҫентеләре район үҙәгенең Төньяҡ-Көнбайыш һәм Ветерандар парктары, "Шатлыҡ" балалар баҡсаһы, Аҡъярға ингән урында (Бөркөт һәйкәле янында), 2-се Аҡъяр мәктәбе, район мәҙәниәт йорто, М.Кәрим һәм Батанов урамдары, Аҡъяр үҙәк район дауаханаһы, "Йәмиғ" мәсете һәм "Скоропослушица" сиркәүе биләмәләрендә ултыртылды.
Әйткәндәй, «Экология» милли проекты сиктәрендә барған «Йәшел Башҡортостан» республика акцияһының яҙғы этабы 23 апрелдә – Берҙәм акция көнөндә башланды һәм 2022 йылдың 10 майында тамамланасаҡ. Акцияны үткәреү барышында республика биләмәһендә 38 тематик аллея ултыртыу күҙаллана. Йәшелләндереү өсөн 49 мең ағас һәм ҡыуаҡлыҡ, шул иҫәптән 16 мең эре ағас әҙерләнгән.
Раян Атанбаев.
Фото: vk.com