+1 °С
Болотло
TelegramVKOK
Бөтә яңылыҡтар
Уҡы, уйлан!
4 Октябрь 2022, 14:00

Илебеҙҙе бергәләшеп һаҡлайыҡ!

Гөлзифа ИСРАФИЛОВА

Илебеҙҙе бергәләшеп һаҡлайыҡ!
Илебеҙҙе бергәләшеп һаҡлайыҡ!

Һәр мәлдең дә ҡалҡып сығыр
Батыры.

Булыр йәнә баҙап ҡалған
Бахыры.
Ауыр мәлдә күренер әҙәм
Яҡшыһы.

Ҡотҡо сәсеп, үсәп торор
Шаҡшыһы.
Тыуған ил бит бөтәбеҙгә
Бер генә.
Йәнгә ғәзиз тыуып-үҫкән
Ер генә!

Сит ерҙәргә китәйекме
Баш һалып,
Әллә ҡоллоҡ яҡшыраҡмы,
Әйт, халыҡ!
Улдарыбыҙ - илебеҙҙең
Ҡалҡаны.

Һеҙ яҡламай уны кемдәр
Яҡлаһын?!
Дошман һүҙе мәгәр өҫкә ҡалҡмаһын,
Ҡоллоҡтарҙан Аллам үҙе һаҡлаһын.
Әсәләрҙең күҙ йәштәре аҡмаһын!

Батырҙарын Аллам үҙе һаҡлаһын.
Мәкер - хәйлә тоҙағына ҡапмайыҡ,
Илебеҙҙе бергәләшеп һаҡлайыҡ!
Доғаларҙы ҡалҡан итеп алайыҡ,
Ошо мәлдә кеше булып ҡалайыҡ!

Фото: web.whatsapp.com

Автор:Зөһрә Хәкимова
Читайте нас: