Ошо айҡанлы 23-нән алып 31 авгусҡа тиклем республика музейҙарында тематик күргәҙмәләр эшләй. “Шайморатовсылар” этабының “Музейҙарҙа башҡорт тарихы” тип исемләнгән музей акцияһы, тарих дәрестәре, “Армия легендалары: Миңнеғәле Шайморатов” документаль кинофильмын күрһәтеү, интернет викторина, "Асыҡ ишектәр" көнө үткәреү ҡаралған. Алдан әйтеүебеҙсә, 27 августа «Торатау» конгресс-холы амфитеатрында легендар геройыбыҙ хаҡында «Ат уйнатып алдан бара» спектаклен ҡарай алаһығыҙ. Ул Башҡортостандың Милли музейы архивы, Хәрби тарихи музейҙар, Әмир Абдразаҡов исемендәге “Башҡортостан” киностудияһы фондтарында һаҡланған документаль сығанаҡтарға нигеҙләнеп яҙылған.
Фото: ye02.ru