"Башҡортостан юлдаш телевидениеһының «Еңеү вариҫтары» акцияһы 22 июнгә тиклем оҙайтылды!
Проект «Яңылыҡтар» хеҙмәте редакцияһы башланғысы менән ойошторолғайны. Унда 18 йәшкә тиклемге балалар һәм үҫмерҙәргә ҡатнашырға мөмкин.
Акцияла ҡатнашыу өсөн геройығыҙҙың фотоһүрәтен, миҙалдарын тотоп, уның хаҡында башҡорт йә рус телендә һөйләп, видео төшөрөү талап ителә. Ролик бер минуттан артмаҫҡа тейеш. Шулай уҡ тарихты шиғыр юлдарына һалырға йә музыка менән биҙәргә мөмкин – барыһы ла һеҙҙең ҡарамаҡҡа.
Видеоларҙы 89373002023 телефон номеры буйынса WhatsApp йә Telegram месенджерына ебәрегеҙ. Видеояҙмалар
bash.news сайтына урынлаштырыласаҡ, ә иң яҡшылары эфирға сығасаҡ!" - тип хәбәр итә ойоштороусылар.