-16 °С
Болотло
VKOKfacebookTikTokInstagram
Бөтә яңылыҡтар

Дәрестәрҙә ҡулланасаҡбыҙ

Беҙҙең Дүсән башланғыс мәктәбендә бик тырыш уҡыусылар белем ала. Районда, республикала уҙғарыл­ған төрлө конкурстарҙа ҡатнашып, мәктәп, ауыл данын күтәргән яҡшы уҡы­ған балалар ғына, тиһәк тә, хата булмаҫ. Фәтих Кәрим исемендәге Айыт урта мәктәбенең филиалыбыҙ. Дирек­тор Илмир Рәшит улы Шафиҡов тара­фынан бөтә уңайлыҡтар ҙа булдырыл­ған. Синыф бүлмәләре яҡты һәм йы­лы. Бында төплө белем алыр өсөн шарттар бар. Беҙҙең төп бурыс – балаларҙы яҡшы кешеләр итеп тәрбиәләү, Тыуған илде яра­тыр­ға, илебеҙгә тоғро булырға өйрәтеү.

Беҙҙең Дүсән башланғыс мәктәбендә бик тырыш уҡыусылар белем ала. Районда, республикала уҙғарыл­ған төрлө конкурстарҙа ҡатнашып, мәктәп, ауыл данын күтәргән яҡшы уҡы­ған балалар ғына, тиһәк тә, хата булмаҫ. Фәтих Кәрим исемендәге Айыт урта мәктәбенең филиалыбыҙ. Дирек­тор Илмир Рәшит улы Шафиҡов тара­фынан бөтә уңайлыҡтар ҙа булдырыл­ған. Синыф бүлмәләре яҡты һәм йы­лы. Бында төплө белем алыр өсөн шарттар бар. Беҙҙең төп бурыс – балаларҙы яҡшы кешеләр итеп тәрбиәләү, Тыуған илде яра­тыр­ға, илебеҙгә тоғро булырға өйрәтеү.
Уҡыу алдынғылары – IV синыфтан Илүзә Хәсәнова, Венера Хафизова, Филиә Кәлимуллина, Эмиль Халиҡов, икенсенән Тимур Вәхитов, Илнур Сабитов, Элдар Камалов – уҡытыусыларҙың ҙур терәге. Уларҙан башҡалар ҙа ҡалышмай. Бөтә фәндәрҙән дә ҡуш­ҡан эштәрҙе еренә еткереп үтәй­ҙәр. Элдар Камалов, Илнур Сабитов һәм Илфина Әхмәтова һүрәт төшөрөргә ярата. Был уҡыу йылында Илнур районда уҙғарылған «Тыуған илем» исемле һүрәттәр конкурсында – III урын, Венера Хафизова һәм Филиә Кәлимуллина тыуған ил тура­һында инша яҙып, районда шулай уҡ призлы урын яуланы. Тимур Вәхитов һәм Ал­һыу Камалова интернет-олимпидала ҡатнашып, Маҡтау грамотаһына лайыҡ булды.
Кескәйҙәр менән мәктәп эргәһендә баҡса үҫтерәбеҙ. Унан көҙөн мул уңыш йыйып алабыҙ. Картуф, кишер, ҡыҙыл сөгөлдөр, һуған, кәбеҫтә күп була. Мәктәбебеҙ алдын аллы-гөллө сәскәләр йәмләй. Атай-әсәйҙәр ҙә ситтә ҡалмай, ярҙам итешә. Ә уҡыу ваҡытында ашнаҡсыбыҙ Фирүзә Әхмәтова тәмле-тәмле аштар бешерә.
Быйыл бөтә мәктәп менән «Йәншишмә» гәзитенә яҙылдыҡ. Беҙ уны башҡорт теле дәресендә, синыфтан тыш сараларҙа ҡулланасаҡбыҙ. Гәзит килә башлағанын көтөп ҡалабыҙ, һәр битен ҡыҙыҡһынып уҡырбыҙ.

Гөлдәр ХИСМӘТОВА, башланғыс синыфтар уҡытыусыһы.

Бишбүләк районы, Дүсән мәктәбе.