+12 °С
Ямғыр
Бөтә яңылыҡтар
Йәйге ял
28 Июнь 2019, 12:51
Бөтәһе лә бында хәрбиҙәрсә ине
«Патриот» тип аталған хәрби-патриотик йүнәлешле лагерь, һәр йылдағыса, 1 июнь көнө асылды. Унда ун дүрт көн дауамында беҙҙең Хәйбулла районы Өфө ауылы мәктәбенең V – VIII синыфтарынан 20 уҡыусы ял итте.
Һәр яңы көн иртәнге зарядка менән башлана, артабан – йүгереү, дөйөм физик күнегеүҙәр, урынды йыйыштырыу, йыуыныу. Көн барышында уҡыу программаһы буйынса дәрестәр үткәрелде. Төшкө аштан һуң – ял итеү ваҡыты, ә артабан инде спорт буйынса һәм мәҙәни саралар ойошторолдо. Лагерҙың тәүге көндәренән үк беҙ, малайҙар, хәрби әҙерлек нигеҙҙәрен өйрәнә башланыҡ. Беҙгә Калашников автоматының ҡоролошон өйрәнеү, уны һүтеп-йыйыу кеүек практик күнекмәләр иң оҡшағаны булды, әлбиттә.
Лагерь программаһы төрлө байрамдарға, бәйгеләргә, викториналарға ла бай ине. Һәр көнөбөҙ ҡыҙыҡлы үтте.
«Патриот» Хәйбулла районының иң матур ауылдарының береһе Әбештә ойошторолдо. Мәктәбе данлыҡлы яҡташыбыҙ Советтар Союзы Геройы Ҡәйүм Әхмәтшин исемен йөрөтә. Беҙгә уның тыуыуына 110 йыл тулыу айҡанлы һәйкәл асылыу тантанаһында булыу бәхете тейҙе. Ошо иҫтәлекле көнгә һәм Башҡортостандың 100 йыллығына арналған концертта ла ҡатнаштыҡ. «Патриот» һәм «Зарница» лагерҙарында ял иткән малайҙар хоры йәш армеецтар гимнын ғорурлыҡ менән башҡарҙы, ә спорт буйынса етәксе Фәрүәз Рәхмәтов һәм вожатый Ҡарлуғас Ильясова башҡорт халыҡ йырҙарын яңғыратты.
Һәр сарала малайҙар үҙҙәрен егетлектә һынап ҡараны, оҫталыҡтарын иҫбатланы. Төрлө нормативтарҙы яҡшы үтәгән өсөн өс малайға: Марсель Мөҙәрисов, Илмир Манишев һәм миңә береттар тапшырылды. Беҙ өлкән йәштәгеләргә, тыл хеҙмәтсәндәренә ярҙам да иттек.
Үҫмерҙәргә ошондай фәһемле һәм мауыҡтырғыс ял ойошторған өлкәндәргә: лагерь етәксеһе Радмир Ниғмәтуллинға, вожатыйҙарға, ашнаҡсыларға, ҡарауылсыларға, йыйыштырыусыларға һәм, әлбиттә, беҙҙе хәрби хеҙмәт нигеҙҙәренә өйрәткән уҡытыусыбыҙ Рим Кәримовҡа – барыһына ла рәхмәтебеҙҙе еткерәбеҙ.
Тимур КӘРИМОВ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж