+12 °С
Ямғыр
Бөтә яңылыҡтар
Йәйге ял
11 Июнь 2020, 13:31
Лагерҙағы онлайн-дискотеканы һәр кем көтөп ала
Илебеҙҙә килеп тыуған эпидемиологик хәл июнь айында лагерҙарҙы онлайн рәүештә үткәрергә мәжбүр итте. Шундайҙарҙың береһе Мораҡ ауылында эшләй. Был айҙа «Киләсәк быуын» тип исемләнгән онлайн-лагерҙа ял итеү дүрт сменала ойоштороласаҡ. Уларҙың һәр береһе биш көн буйына дауам итә. Тәүгеһе туризмды, тыуған яҡты өйрәнеүгә бағышланған. Онлайн-сменаны методист Татьяна Геннадьевна Романова һәм Балалар ижады үҙәге педагогтары уҙғара.
– Иртәнсәк лагерҙың чатында көн темаһы буйынса илһамландырыусы материалдар һәм оффлайн эш урынлаштырыла. Һәр көн бейеү күнекмәләре, тематик сәғәт, файҙалы оҫталыҡ дәресе үткәрелә. Иртәнге зарядканы ҡыҙҙар, малайҙар балалар һәм үҫмерҙәр спорт мәктәбенең тренер-педагогтары Эльмира Илһаметдин ҡыҙы Жувасина, Альбина Борис ҡыҙы Килдебаева, Азат Рәсүл улы Мәүлитов, Марат Ишбулат улы Хайсаров, Гөлнәзирә Зиннур ҡыҙы Хоҙайғоловалар менән бергәләп эшләй. Күңелле музыка аҫтында яһаған күнекмәләр балаларға дәрт өҫтәй, кәйефен күтәрә, – тип һөйләне Мораҡтағы балалар ижады үҙәге директоры, балаларҙың ялын ойоштороусы Сөмбөл Йәркәй ҡыҙы Хафизова.
Бөтә Рәсәй физкультура-спорт комплексының «Хеҙмәткә һәм оборонға әҙер» хәрәкәтен популярлаштырыу, күмәк спортты үҫтереү һәм үҫеп килеүсе быуынды сыныҡтырыу маҡсатында бөтә смена буйына фәнни-танып белеү фильмдары күрһәтелә, «Мин әҙер!» видеояҙмалар конкурсы ойошторола. Акцияның шарттары буйынса, ҡатнашыусылар комплекстың һынауҙар исемлегенә ингән күнекмәләрҙе яһарға тейеш.
Ә ниндәй лагерь дискотекаһыҙ үтһен инде! Уларҙы сәхнә оҫталары Илүзә һәм Илгизә Ниғәмәтуллиналар күңелле итеп ойоштора. Мауыҡтырғыс онлайн-флешмобтарҙы, яңы бейеү хәрәкәттәрен өйрәнеү буйынса оҫталыҡ дәрестәрен балалар көтөп ала. Әйткәндәй, Илүзә Рәфҡәт ҡыҙы – «Ҡыпсаҡ» өлгөлө бейеү ансамбле етәксеһе лә.
Лагерҙа ял итеүселәр көн һайын һәр ҡушылған эште үтәп, был турала онлайн-лагерҙың төркөмөнә йәки социаль селтәрҙәргә «Киләсәк быуын» хэштегы менән урынлаштыра бара. Кемдер өлгөрмәй ҡалһа, бер аҙ һуңлап та үтәй ала.
Бына шулай уҙа ял итеүселәрҙең көндәре. Сөмбөл Йәркәй ҡыҙы белдереүенсә, онлайн-лагерь тамамланғас, барлыҡ балаларға ла сертификаттар тапшырыласаҡ, ә иң-иң әүҙемдәре Почёт грамоталары менән бүләкләнәсәк.
Күгәрсен районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж