-6 °С
Болотло
Бөтә яңылыҡтар
Йәйге ял
3 Июль 2020, 13:18
«Баймаҡ менән бәйләнештәбеҙ»
Баймаҡ районында тап ошондай исем менән мәктәп уҡыусылары өсөн онлайн-лагерҙар үткәрелде. Балалар ижады үҙәге, йәш техниктар станцияһы, ҡаланың балалар һәм үҫмерҙәр спорт мәктәбе педагогтары уҡыусылар өсөн ҡыҙыҡлы уйындар, ижади саралар, конкурстар һәм викториналар ойошторҙо.
Әлбиттә, һәр көн, лагерҙарға хас булғанса, иртәнге күнекмәләр менән башланып китте. Унан инде балалар уҡытыусылар менән бергә төрлө-төрлө ҡул эштәре менән мәшғүл булды, ижади эш менән шөғөлләнде, викторина һорауҙарына яуап бирҙе. Бынан тыш, ҡыҙыҡлы видеояҙмалар, фотолар ҙа төшөрҙөләр.
Район һәм республиканың билдәле шәхестәре менән аралашыу ҙа балаларҙың күңелендә онотолмаҫ тәьҫораттар ҡалдырҙы. Йәш техниктар станцияһы педагогы яҡташыбыҙ, күп тапҡыр донъя, Европа һәм Рәсәй чемпионы, Башҡортостан Республикаһының күренекле спортсыһы, Салауат Юлаев ордены кавалеры Тамара Танһыҡҡужина менән онлайн-осрашыу үткәрҙе. Спорт мәктәбе педагогтары үҙ уҡыусыларын бөтә Рәсәй һәм республика ярыштары еңеүселәре Регина Нурмөхәмәтова һәм Роман Байсәйетов менән «күрештерҙе».
Онлайн-смена балаларҙың буш ваҡыттарын файҙалы һәм күңелле итеп үткәреүгә, уларҙың тормошона ниндәй ҙә булһа яңылыҡ индереүгә лә булышлыҡ итте. Ҡыҙҙар һәм малайҙар актёрлыҡ һәм ораторлыҡ буйынса оҫталыҡ дәрестәре лә алды, йорт хайуандарын дөрөҫ тәрбиәләргә лә өйрәнде. Гөл үҫтерҙеләр, ҡыҙыҡлы әйберҙәр эшләнеләр, онлайн-экскурсияларға барҙылар, тыуған яҡтың тарихын белделәр, спорттың яңы төрөн үҙләштерҙеләр.
Каникул булыуға ҡарамаҫтан, балалар онлайн-сменала әүҙемлек күрһәтте. Шуға ла беҙ файҙалы ла, күңелле лә үткән был ғәҙәти булмаған сара уҡыусыларға оҡшағандыр, тип ышанабыҙ.
Онлайн-лагерҙар тамамланды. Тик был өҫтәмә белем биреү учреждениеларының эше туҡталып ҡалды, тигәнде аңлатмай әле. Уларҙың һәр ҡайһыһы үҙ тәрбиәләнеүселәре менән күнекмәләрҙе дауам итә. Мәҫәлән, балалар ижады үҙәгендә әле лә – «Өйҙә нөктә ру», йәш натуралистар станцияһында – «Бәләкәс экологтар», йәш техниктар станцияһында «Аҡыллы каникулдар» онлайн-лагерҙары эшләй, балалар һәм үҫмерҙәрҙең спорт мәктәбендә күнекмәләр үткәрелә.
Люциә СӨЛӘЙМӘНОВА, мәғариф бүлеге методисы.
Баймаҡ ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж