+12 °С
Ямғыр
Бөтә яңылыҡтар
Йәйге ял
10 Июль 2020, 15:31
Көндәрегеҙ нисек үтә?
Дуҫтар, ә һеҙ йәй көндәрен нисек үткәрәһегеҙ? Һәр кем ошо өс айҙы үҙенсә фәһемле лә, файҙалы ла итеп уҙғарырға тырыша, шулаймы? Ә мин һеҙгә иң яҡын дуҫтарымдың йәйге ялдарын ҡайҙа һәм нисек үткәреүҙәре хаҡында еткерәм.
– Быйылғы йәй минең өсөн бик иртә килде. Ни өсөн тигәндә, май аҙағында уҡ йылы ҡояш нурҙары яҡшы кәйеф менән бергә йәй миҙгелен күңелемә һалып ҡуйған ине. Яратып, көтөп алған ялымды дуҫтарым менән ҡаршы алдым. Шунан башланды ла инде ҡыҙыҡлы мажаралар. Көн һайын беҙ ниндәйҙер күңелле сәйәхәттәргә сығабыҙ, усаҡ яғып, гитара уйнап йырлайбыҙ. Эҫе көндәрҙә Ағиҙел буйында ҡыҙынып, һыу инәбеҙ. Ғөмүмән, был яратҡан миҙгелемдең башы ғына әле. Алдағы көндәребеҙ тағы ла яҡшыраҡ булыр, тип уйлайым.
– Йылы йәй көндәрен туғыҙ ай буйы һағынып көтөп, ошо көндәрҙә матур итеп мәктәпте тамамлап, тантаналы байрамдар ойошторорбоҙ, тип өмөтләнһәк тә, быйылғы хәлдәр пландарыбыҙҙы боҙҙо шул. Ләкин бының өсөн бик ҡайғырмайым. Көндәремде БДИ-ға әҙерләнеп үткәрәм. Шулай уҡ, әлбиттә, атай-әсәйгә ярҙам итәм. Алла бирһә, киләһе айҙарҙа бар һынауҙарҙы уңышлы үтеп, юғары уҡыу йортона инергә, тигән маҡсаттар менән йәшәйем.
– Ваҡытымды әрәм итергә яратмайым. Уҙған йыл йәйемде ауылда кибеттә ярҙамсы булып эшләп үткәрһәм, быйыл иһә Шүлгәнташ ҡурсаулығына экскурсовод булып урынлаштым. Бер минут та буш тормайбыҙ, хатта ваҡыттың үткәне лә һиҙелмәй ҡала. Көн дә ҡыҙыҡлы мажаралар, күңелле хәлдәр, шуның өсөн дә миңә был эшем бик оҡшай. Тағы ла үҙемә яңы дуҫтар таптым.
– Минеңсә, әлеге йылдың йәйе ныҡ иҫтә ҡалыр инде. Сөнки, беренсенән, коронавирус арҡаһында күп сикләүҙәр татыйбыҙ, икенсенән, һауа торошо бик ҡыуандырмай, ямғырҙар юҡ, өсөнсөнән, күбеһенсә урамда битлек кейеп йөрөргә тура килде.
Минең яратҡан кәсебем – йыл да емеш-еләк һатып, уҡыуға кейем-һалым, башҡа кәрәк-яраҡтар алыу. Быйыл да шундай пландар ҡорҙом. Бөтәһенә лә күңелле ялдар теләйем.
– Усаҡ яғып, дуҫтар менән бергә йыйылыуҙан башланып китте минең йәйем. Күп ваҡытым имтихандарға әҙерлек менән үтә. Ә буш сағымда әсәйемә ярҙам итәм, ҡустыларым, дуҫтарым менән күңел асабыҙ.
Бына шулай күптәр шәп уҙғара икән йәйҙәрен. Быйылғы бишенсе сирек тормошоғоҙҙа онотолмаҫлыҡ хәтирәләр ҡалдырһын!
Заһиҙә МОРАТШИНА.
Бөрйән районы, Мораҙым ауылы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж