+6 °С
Болотло
Бөтә яңылыҡтар
Йәйге ял
28 Август 2020, 16:21
Һәр көндәре ҡыҙыҡлы уҙҙы
Мәктәбебеҙҙең «Йәйғор» лагерында 10 бала ял итте. Беренсе көн онлайн форматта үтте, «Яратҡан йәнһүрәт», тыуған яҡты өйрәнеү буйынса викториналар, «Был – мин» тигән челлендж ойошторолдо. Балалар бик матур сығыштар, тулы яуаптар менән ҡыуандырҙы.
Икенсе көнөбөҙ оффлайн рәүештә уҙҙы. Эшебеҙ ҡыҙҙар, малайҙарҙың температураһын үлсәү, битлек, бирсәткәләре бармы-юҡмы икәнлеген тикшереүҙән, хәүефһеҙлек ҡағиҙәләрен иҫкә төшөрөп, ҡултамға алыуҙан башланды. Шунан инде уҡыусылар менән берлектә «Башҡортостанымдың йөҙөк ҡашы» һәм «Икмәк – бөтәһенә лә баш» темаларына презентация-викторина үткәрҙек. Бында беҙ республикабыҙ тәбиғәте, милли ризыҡтарыбыҙ менән таныштырҙыҡ. Ял итеүселәрҙе ауылыбыҙ эшҡыуарҙары, икмәк бешереү цехын асҡан Гөлназ һәм Вәхит Нурасовтар янына экскурсияға ла алып барҙыҡ.
Өсөнсө көн «Саф һауа – күңелгә дауа» тип аталды. «Педаль әйләндерәм» акцияһына ярашлы, һәр бала велосипедта килде, хәүефһеҙлек ҡағиҙәләрен дә иҫкә төшөрөп алдыҡ. Өйгә эш тә бирелгән ине. Балаларҙың шул тиклем отҡор, шәп икәнен белдек. Артабан саф һауала төрлө хәрәкәтле уйындар уйнаныҡ. Ҡыҙҙар, малайҙар күңелле һәм файҙалы ял итеп, өйҙәренә ҡәнәғәт булып таралышты. «Нептун көнө», йылға буйында ҡомдан ҡаласыҡтар төҙөп уйнау ҙа барыһына ла бик оҡшаны.
Бының өсөн Баймаҡ районы мәғариф бүлеге етәксеһе Илдус Әдиф улы Зәйнуллинға, лагерҙа уҙған һәр сараны сайтта сағылдырыусы, беҙҙе дәртләндереп, ярҙам итеүсе методист Люциә Йомабай ҡыҙы Сөләймәноваға ҙур рәхмәтебеҙҙе белдерәбеҙ.
Фәриҙә ҠАҺАРМАНОВА, Муллаҡай мәктәбе филиалы етәксеһе.
Баймаҡ районы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж