+21 °С
Облачно
Йәйге ял
2 Июня 2021, 09:42
«Аҡыллы йәй» һеҙҙе көтә
Йәйге каникул осоронда Башҡорт дәүләт университеты мәктәп уҡыусылары өсөн «Аҡыллы йәй» тигән өҫтәмә үҫтереүсе программа булдырған. Уға ярашлы, тәжрибәле педагогтар, психологтар, вожатый-аниматорҙар 7-нән 14 йәшкә тиклемге ҡыҙҙар һәм малайҙарҙың ижади һәләттәрен үҫтерергә, лидерлыҡ сифаттарын асырға, аң даирәһен киңәйтергә ярҙам итәсәк, уҡыу менән бергә ял да ойоштороласаҡ.
Был программала өс смена ҡаралған: «Һанлы инкубатор», «Йәш ғалим», «Көнсығыш ҡумтаһы». Тәүгеһе 21 июндән 2 июлгә тиклем дауам итһә, икенсеһе - 5 июлдән 16 июлгә, өсөнсөһө 19 июлдән 30 июлгә тиклем барасаҡ. Лагерь барышында балалар мәғлүмәт системаларын, инглиз, Ҡытай, Корея телдәрен, социаль селтәрҙәрҙе, актёрлыҡ оҫталығын өйрәнәсәк. Университет лабораториялары менән танышасаҡтар, уҡытыусылар етәкселегендә фәнни тәжрибәләрҙә лә ҡатнашасаҡтар. Уларҙы Өфөнөң тарихи-мәҙәни урындары буйлап экскурсиялар ҙа көтә. Тулыраҡ мәғлүмәтте ошо һылтанма буйынса https://ino.bashedu.ru/project_management2/ алырға мөмкин.
Фото: https://bashedu.ru/.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
