Радий Хәбиров кескәйҙәр менән осрашты

Унда һайлап алыу турында еңгән 19 команда - III, IV синыфты тамамлаған 270 уҡыусы ял итә. 

Осрашыу барышында кескәйҙәр үҙҙәренең һорауҙарын да бирҙе. Мәҫәлән, Радий Фәрит улының бала сағында кем булырға теләүе тураһында ҡыҙыҡһындылар.

"Һеҙҙең кеүек сағымда биолог булырға теләй инем. Хайуандарҙы бик яратам. Бесәйҙәр тураһында иншалар яҙа, йәнлектәр тураһында күп уҡый торғайным. Аҙаҡ милиционер, тренер булырға теләнем. Бына республика Башлығы булып киттем", - тине ул. 

"Беҙҙең маҡсат - балаларҙың йылмайып, тыныслыҡта һәм изгелектә үҫһен өсөн барыһын да эшләү. Бының өсөн шарттар булдырыуҙы дауам итәсәкбеҙ. Беҙ балаларҙы һәйбәт кешеләр итеп тәрбиәләргә тейешбеҙ. Республика кимәлендә бының өсөн күп нәмә эшләнә. Осрашыуыма бик шатмын! Киләсәктә был ҡыҙҙар һәм малайҙарҙың тормошонда барыһы ла яҡшы булһын", - тип яҙҙы социаль селтәрҙәрҙә Радий Хәбиров. 

Әйткәндәй, "Рәсәй бөркөттәре" программаһы "Мәғариф" милли проектының "Рәсәй граждандарын патриотик рухта тәрбиәләү" федераль проекты буйынса тормошҡа ашырыла. Башҡортостандан унда 1 мең 590 башланғыс синыфынан 36 мең бала ҡатнаша.

Фото: vk.com/radiyhabirov.