Һау, хәрәкәтсән һәм көслө булыу өсөн сәләмәт йәшәү рәүеше күнекмәләрен бәләкәйҙән тәрбиәләү бик мөһим.
Стәрлебаш районы Буҙат ауыл мәҙәниәт йортонда «Сәләмәтлек иленә сәйәхәт» танып-белеү программаһы үткәрелде. Программа ҡунаҡтары – ауылдың медицина хеҙмәткәрҙәре. Улар балаларға сәләмәт туҡланыу, көн режимын үтәү, көндәлек физик күнекмәләр яһау, шәхси гигиенаны үтәү, төрлө ауырыуҙарҙы иҫкәртеү кәрәклеге тураһында һөйләне. Уҡыусылар рәхәтләнеп ҡыҙыҡлы «Градусник», «Кафе» уйындары уйнаны. Программа аҙағында бөтәһенә лә сәләмәт йәшәү рәүеше тураһында иҫтәлекле буклеттар таратылды.
Фото һәм сығанаҡ: vk.com