+9 °С
Болотло
Бөтә яңылыҡтар
Яңы китап сыҡты
27 Ноябрь 2020, 12:14
«Өс таған» донъя күрҙе
Тағы ла бер һөйөнөслө хәбәребеҙ менән уртаҡлашабыҙ. Ошо көндәрҙә Зәйнәб Биишева исемендәге «Китап» нәшриәтендә барыбыҙ ҙа яратып уҡыған Башҡортостандың халыҡ шағиры Мостай Кәримдең «Өс таған» исемле китабы донъя күрҙе.
Был йыйынтыҡта уның «Өс таған» повесы менән «Йәләлетдин атай» хикәйәһе башҡорт һәм урыҫ телдәрендә тәҡдим ителә. Баҫма декабрь айында үткәреләсәк республика Башлығы Шыршыһына саҡырылған һәләтле балаларға бүләк булараҡ та әҙерләнде.
«Өс таған» – яҙыусының балалар өсөн ижад иткән ҙур күләмле мауыҡтырғыс повестарының береһе. Автор билдәләүенсә, балалар донъяһы – айырым бер хыялдар, теләктәр донъяһы. Ошоларҙы Мостай Кәрим шундай мауыҡтырғыс, ҡыҙыҡлы итеп һүрәтләй, ундағы геройҙарҙың батырлығы, донъя ҡапма-ҡаршылыҡтары менән көрәшеүҙәре һәм шуҡлыҡтары, ололарса фекерләүҙәре һәм эш итеүҙәре уҡыусыларҙы үҙенә йәлеп итә. Бында, әлбиттә, әхлаҡ темаһы төп урындарҙың береһен биләй. Геройҙар төрлө ауырлыҡтар менән күҙмә-күҙ осрашып, уларҙы хәл итеү, төҙәтеү яҡтарын да эҙләй. Повеста дүрт дуҫтың мажаралары, әлбиттә, береһен дә битараф ҡалдырмай, китап уҡыусыларын борсоуға ла һала, уйланырға ла мәжбүр итә улар.
Шағирҙың тыуыуына 100 йыл тулыу уңайынан әҫәр буйынса режиссёр Айнур Асҡаровтың «Өс таған» фильмының урыҫ телендәге трейлеры интернет селтәрҙәренә сыҡты. Китапта ла, фильмда ла ҡаршылыҡтарҙы еңеп сыҡҡанда дуҫлыҡ, ихтыяр көсөнөң ни тиклем кәрәк һәм ҡәҙерле булыуы бәйән ителә.
Был китап – кескәй дуҫтарыбыҙға, шулай уҡ башҡорт әҙәбиәтенә һәм халыҡ шағирының ижадына битараф булмаусыларҙың барыһына ла ҙур бүләк. Ул бөгөндән беҙҙең магазиндарҙа һатыуҙа бар, рәхим итегеҙ!
Гүзәл ИШНАЗАРОВА.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж