Хәрби формалағы, байрамса кейенгән балалар ҡулдарына ҡәләм һәм аҡ ҡағыҙ тотоп өҫтәл янына йыйылған. Баҡтиһәң, улар һалдаттарға хат яҙасаҡ икән. Үҙҙәренең йөҙө бик етди ҙә, уйсан да...
Тынғыһыҙ журналист был көндө лә эш өҫтөндә. Әле – сираттағы «Өскөл хаттар» акцияһы...
Баймаҡ биләмә-ара китапханаһында «Йәншишмә» балалар һәм үҫмерҙәр гәзитенең хаттар бүлеге мөдире, өс тиҫтә йылдан ашыу ғүмерен балалар баҫмаһына бағышлаған журналист, Башҡортостан Республикаһы һәм Рәсәйҙең Журналистар союзы ағзаһы Зөһрә Хәкимованың «Еңеү ҡайтыр атай менән» китабының исем туйы үтте.
Китаптың тәүге өлөшө махсус хәрби операцияла ҡатнашҡан ир-егеттәрҙең ғаиләләренә арналһа, икенсеһе – Баймаҡ районының төрлө ауылдарҙан йыйылған ирекмәндәренең яугирҙарға күрһәткән изге эше – тыл ярҙамы хаҡында.
Баймаҡтар ҙурҙан ҡубып, бик ихлас үткәрҙе был сараны. Китапхана директоры Гөлназ Сабирова һәм байрамды алып барыусы Раушания Рәхимова ла маҡтауға лайыҡ.
Китаптың геройҙары үҙҙәре ҡатнашыуы сараны бәҫле, үҙенсәлекле итте – ҡыйыу яугир, «Башҡорт» позывнойлы һалдаттың тотош ғаиләһе – хәләл ефете Гөллирә ханым, уларҙың улдары Тимур, Илсур һәм Артурҙың, «Артист» позывнойлы яугирҙың әсәһе Фәниә Мәҡсүтованың китап хаҡындағы тәьҫораттары менән уртаҡлашыуы үҙе бер онотолмаҫлыҡ тарих, тәрбиә дәресе булды.
«Башҡорт»тоң өлкән улы Тимурҙың шиғырынан алынған китаптың исеме. Ағаһының яҙғанын Илсур бик матур итеп һөйләне. Яугир ни өсөн МХО-ға юлланыуы тарихын бәйән итте.
«Артист» позывнойлы яугирҙың видеобәйләнеш аша сығышы ла тетрәндергес, рухлы булды – китап авторына бергә хеҙмәт итеүсе яуҙаштары исеменән дә рәхмәттәрен еткереп, яҡындарына һәм сарала ҡатнашыусыларға сәләмдәрен ебәреп, ҡурай моңдарын бүләк итте ул. Был тулҡынландырғыс ҡотлауҙы залдағылар оҙаҡ алҡышлап ҡул сапты. Илшаттың әсәһе Фәниә апайҙың сығышы – башҡорт ҡатындарының сабыр, аҡыллы, тыйнаҡ булыуына дәлил.
«Печник» позывнойлы яугирҙы видеобәйләнеш аша күреү, уның фекерен ишетеү бәхете лә тейҙе тамашасыға. Хатта күҙҙәргә йәштәр йыйылды...
Бәхетленең ҡунағы бер көндә, тигәндәй, уның байрамы ла бер көндә булып сыҡты – сараның икенсе өлөшөндә махсус хәрби операциялағы яҡташтарына һәр төрлө ярҙам күрһәткән ирекмәндәр, йәмәғәт ойошмалары вәкилдәре, ағинәйҙәр һүҙ алды.
Үрге Яйыҡбайҙан «Ағинәйҙәр» ойошмаһы етәксеһе Зөлхәбирә Мырҙағәлина, Йомаш ауылы «Ағинәйҙәр» ойошмаһы етәксеһе Зифа Иҫәнова, Беренсе Этҡол ауыл биләмәһенең «Ағинәйҙәр» ойошмаһы етәксеһе Көнһылыу Азаматова һәм Ир-егеттәр ҡоро етәксеһе Мөҙәрис Әбелғазин, әүҙем ирекмәндәр –яугирҙарға ихлас ярҙам итеүселәрҙең вәкиле – Ир-егеттәр ҡоро етәксеһе, Иҫке Сибай мәктәбенең хеҙмәт дәресе уҡытыусыһы Сибай Утарбаев, «Хәрби туғанлыҡ» һәм «Беҙ – бергә!» ирекмәндәр үҙәге ойошмалары етәкселәре Рәмис Әмиров, Лилиә Такаеваларҙың баймаҡтарҙың ирекмәнлек эштәре хаҡында тәфсирләп һөйләүе, китаптың үҙҙәренең эшенә бер баһа һәм тарихи ваҡиға икәнлеген белдереүе йыйынтыҡтың ысынбарлыҡтың күсермәһе булыуын раҫланы. Китап авторының күп һанлы яҡташтары – изге эш, тип ваҡытын йәлләмәгән, яугирҙарыбыҙға төрлө яҡлап ярҙам итеүҙе бурысы һанаған ирекмәндәр менән бер тулҡында, бер һүҙҙә, бер ниәт-маҡсатҡа ынтылышта булыуына ла төшөндөк.
Һәр яҡлап булдыҡлы баймаҡтар үҙҙәренең талантлы ҡыҙын ике «бишле» алған байрамы – тыуған көнө айҡанлы ла тәбрикләне.
Район хакимиәте башлығы Азамат Иҙрисов исеменән райондың мәҙәниәт бүлеге начальнигы Гөлназ Йыһаншина ҡотлау һүҙҙәрен еткерҙе:
– Зөһрә Әҙеһәм ҡыҙы, һеҙ белем усаҡтары менән дә тығыҙ эш алып бараһығыҙ. Илдә махсус хәрби операция башланғас, балаларҙың күңел йылыһын еткереүсе «Өскөл хаттар» акцияһын ойоштороп, һалдаттарға ҡыуаныс, өмөт бүләк иттегеҙ. Үҫеп килгән быуында телһөйәрлек, илһөйәрлек, ватансыллыҡ тойғоһо тәрбиәләүгә тос өлөш индереүегеҙ – беҙҙең өсөн сикһеҙ ҡыуаныс. Шулай уҡ һеҙҙең Баймаҡ районының «Беҙ – бергә!» ирекмәндәр ойошмаһының әүҙем ағзаһы булыуығыҙ оло хөрмәт һәм һоҡланыу уята. «Еңеү ҡайтыр атай менән» исемле китабығыҙҙың донъя күреүе лә – һеҙҙең фиҙакәр хеҙмәтегеҙҙең ҡәҙерле бер емеше. Китап геройҙары араһында төп урында беҙҙең яҡташтар – МХО яугирҙары, ирекмәндәрҙең булыуы беҙҙең өсөн ҙур ғорурлыҡ.
Тынғыһыҙ журналист был көндө лә эш өҫтөндә. Әле – сираттағы «Өскөл хаттар» акцияһы...
Баймаҡ биләмә-ара китапханаһында «Йәншишмә» балалар һәм үҫмерҙәр гәзитенең хаттар бүлеге мөдире, өс тиҫтә йылдан ашыу ғүмерен балалар баҫмаһына бағышлаған журналист, Башҡортостан Республикаһы һәм Рәсәйҙең Журналистар союзы ағзаһы Зөһрә Хәкимованың «Еңеү ҡайтыр атай менән» китабының исем туйы үтте.
Китаптың тәүге өлөшө махсус хәрби операцияла ҡатнашҡан ир-егеттәрҙең ғаиләләренә арналһа, икенсеһе – Баймаҡ районының төрлө ауылдарҙан йыйылған ирекмәндәренең яугирҙарға күрһәткән изге эше – тыл ярҙамы хаҡында.
Баймаҡтар ҙурҙан ҡубып, бик ихлас үткәрҙе был сараны. Китапхана директоры Гөлназ Сабирова һәм байрамды алып барыусы Раушания Рәхимова ла маҡтауға лайыҡ.
Китаптың геройҙары үҙҙәре ҡатнашыуы сараны бәҫле, үҙенсәлекле итте – ҡыйыу яугир, «Башҡорт» позывнойлы һалдаттың тотош ғаиләһе – хәләл ефете Гөллирә ханым, уларҙың улдары Тимур, Илсур һәм Артурҙың, «Артист» позывнойлы яугирҙың әсәһе Фәниә Мәҡсүтованың китап хаҡындағы тәьҫораттары менән уртаҡлашыуы үҙе бер онотолмаҫлыҡ тарих, тәрбиә дәресе булды.
«Башҡорт»тоң өлкән улы Тимурҙың шиғырынан алынған китаптың исеме. Ағаһының яҙғанын Илсур бик матур итеп һөйләне. Яугир ни өсөн МХО-ға юлланыуы тарихын бәйән итте.
«Артист» позывнойлы яугирҙың видеобәйләнеш аша сығышы ла тетрәндергес, рухлы булды – китап авторына бергә хеҙмәт итеүсе яуҙаштары исеменән дә рәхмәттәрен еткереп, яҡындарына һәм сарала ҡатнашыусыларға сәләмдәрен ебәреп, ҡурай моңдарын бүләк итте ул. Был тулҡынландырғыс ҡотлауҙы залдағылар оҙаҡ алҡышлап ҡул сапты. Илшаттың әсәһе Фәниә апайҙың сығышы – башҡорт ҡатындарының сабыр, аҡыллы, тыйнаҡ булыуына дәлил.
«Печник» позывнойлы яугирҙы видеобәйләнеш аша күреү, уның фекерен ишетеү бәхете лә тейҙе тамашасыға. Хатта күҙҙәргә йәштәр йыйылды...
Бәхетленең ҡунағы бер көндә, тигәндәй, уның байрамы ла бер көндә булып сыҡты – сараның икенсе өлөшөндә махсус хәрби операциялағы яҡташтарына һәр төрлө ярҙам күрһәткән ирекмәндәр, йәмәғәт ойошмалары вәкилдәре, ағинәйҙәр һүҙ алды.
Үрге Яйыҡбайҙан «Ағинәйҙәр» ойошмаһы етәксеһе Зөлхәбирә Мырҙағәлина, Йомаш ауылы «Ағинәйҙәр» ойошмаһы етәксеһе Зифа Иҫәнова, Беренсе Этҡол ауыл биләмәһенең «Ағинәйҙәр» ойошмаһы етәксеһе Көнһылыу Азаматова һәм Ир-егеттәр ҡоро етәксеһе Мөҙәрис Әбелғазин, әүҙем ирекмәндәр –яугирҙарға ихлас ярҙам итеүселәрҙең вәкиле – Ир-егеттәр ҡоро етәксеһе, Иҫке Сибай мәктәбенең хеҙмәт дәресе уҡытыусыһы Сибай Утарбаев, «Хәрби туғанлыҡ» һәм «Беҙ – бергә!» ирекмәндәр үҙәге ойошмалары етәкселәре Рәмис Әмиров, Лилиә Такаеваларҙың баймаҡтарҙың ирекмәнлек эштәре хаҡында тәфсирләп һөйләүе, китаптың үҙҙәренең эшенә бер баһа һәм тарихи ваҡиға икәнлеген белдереүе йыйынтыҡтың ысынбарлыҡтың күсермәһе булыуын раҫланы. Китап авторының күп һанлы яҡташтары – изге эш, тип ваҡытын йәлләмәгән, яугирҙарыбыҙға төрлө яҡлап ярҙам итеүҙе бурысы һанаған ирекмәндәр менән бер тулҡында, бер һүҙҙә, бер ниәт-маҡсатҡа ынтылышта булыуына ла төшөндөк.
Һәр яҡлап булдыҡлы баймаҡтар үҙҙәренең талантлы ҡыҙын ике «бишле» алған байрамы – тыуған көнө айҡанлы ла тәбрикләне.
Район хакимиәте башлығы Азамат Иҙрисов исеменән райондың мәҙәниәт бүлеге начальнигы Гөлназ Йыһаншина ҡотлау һүҙҙәрен еткерҙе:
– Зөһрә Әҙеһәм ҡыҙы, һеҙ белем усаҡтары менән дә тығыҙ эш алып бараһығыҙ. Илдә махсус хәрби операция башланғас, балаларҙың күңел йылыһын еткереүсе «Өскөл хаттар» акцияһын ойоштороп, һалдаттарға ҡыуаныс, өмөт бүләк иттегеҙ. Үҫеп килгән быуында телһөйәрлек, илһөйәрлек, ватансыллыҡ тойғоһо тәрбиәләүгә тос өлөш индереүегеҙ – беҙҙең өсөн сикһеҙ ҡыуаныс. Шулай уҡ һеҙҙең Баймаҡ районының «Беҙ – бергә!» ирекмәндәр ойошмаһының әүҙем ағзаһы булыуығыҙ оло хөрмәт һәм һоҡланыу уята. «Еңеү ҡайтыр атай менән» исемле китабығыҙҙың донъя күреүе лә – һеҙҙең фиҙакәр хеҙмәтегеҙҙең ҡәҙерле бер емеше. Китап геройҙары араһында төп урында беҙҙең яҡташтар – МХО яугирҙары, ирекмәндәрҙең булыуы беҙҙең өсөн ҙур ғорурлыҡ.
