-8 °С
Болотло
TelegramТестарVKOK
Бөтә яңылыҡтар
"Яҙыл да бүләк от!"
4 Март 2021, 23:25

Иң шәп бүләк - ноутбук

"Башҡортостан Республикаһы" нәшриәт йорто ойошторған "Яҙыл да бүләк от!" акцияһында ҡатнашып, еңеүселәр араһында Ейәнсура районының Байыш ауылынан Юлиә һәм Илнур Ваһаповтар ҙа булды.

Уларҙың ғаиләһе район һәм республика гәзит-журналдарын даими алдырып бара. Үткән ярты йыллыҡта ла мәктәптә уҡыған ҡыҙҙары – Айсулпан, улдары Айнур һәм 6 йәшлек Гөлиәгә "Аманат" журналы һәм район гәзитенә яҙылып, ноутбуклы булдылар. Ошо көндәрҙә "Республика мәғлүмәт үҙәге" директоры Айнур Дәүләтбәков уларға көтөп алған бүләген тапшырҙы. "Еңеребеҙгә ышанып квитанцияларҙы Өфөгә ебәрҙек. Быйыл Гөлиәбеҙ уҡырға бара, ноутбук өс уҡыусы булған ғаилә өсөн бик тә урынлы булды әле", – тип шатлыҡтары менән уртаҡлашты Юлиә. Ваһаповтарҙы ысын күңелдән ҡотлайбыҙ!
Рәсәй почтаһы 2021 йылдың икенсе ярты йыллығына матбуғатҡа яҙылыу башланыуын иғлан итте. Беренсе ярты йыллыҡ хаҡтары апрелгә тиклем ғәмәлдә була.
Читайте нас в