+18 °С
Ясна
Бөтә яңылыҡтар
"Яҙыл да бүләк от!"
10 Июль 2021, 16:50
Велосипед Баймаҡҡа юллана!
Бына, ниһайәт, бөтәгеҙ ҙә түҙемһеҙлек менән көткән «Яҙыл да бүләк от!» уйынын да үткәрҙек. Унда ҡатнашырға теләүселәрҙең хаттары байтаҡ ҡына булды. 300-гә яҡын гәзиткә яҙылыу квитанцияһы күсермәһен алдыҡ уҡыусыларыбыҙҙан, ә шулай ҙа иң күбе Баймаҡ, Бөрйән, Белорет, Әбйәлил, Салауат, Хәйбулла, Көйөргәҙе, Учалы яҡтарынан һәм Өфө ҡалаһынан ине. Уларҙың барыһын да серле тоғыбыҙға тултырҙыҡ. Белеүегеҙсә, отош уйынына өс шәп бүләк әҙерләгәйнек. Марусялы Prestigio SmartVoice аҡыллы колонкаһы, TWS Realme Buds Q ҡолаҡсыны һәм 18 тиҙлекле велосипед! Ә ошо бүләк эйәләрен асыҡлау Салауат районының Ҡарағол ауылынан 5 йәшлек Наҙгөл Ғөбәйҙуллина менән әсәһе Ләйсән ханымдың өлөшөнә төштө.
Велосипед Баймаҡҡа юллана!
Беҙҙең редакцияға улар ҡунаҡҡа килеп еткәйне. Ныҡ һәйбәт булды, ҡулай мәл килеп сыҡҡанға ҡыуанып, уйынды ойоштороп та ебәрҙек. Бына Наҙгөл беренсе квитанция күсермәһен тартып та сығарҙы. Тәүге приз – ҡолаҡсын VI синыф уҡыусыһы Азалиә АҪЫЛБӘКОВАға! Ул – Межгорье ҡалаһының 3-сө мәктәбенән. Әйткәндәй, уға уҡытыусыһы Эльза Шамил ҡыҙы Мөхәмәҙиева гәзит-бүләк яҙҙыртҡайны. Вәт, мөғжизә! Икеләтә бүләкле булды бит Азалиә! Ә Марусялы аҡыллы колонка Әбйәлил районының Күсем ауылынан Буранбай МОРАТШИНға эләкте.
Бөтәбеҙ ҙә тулҡынланып көтәбеҙ. Төп бүләк – 18 тиҙлекле велосипед кемгә эләгер? Уны Баймаҡ районының Ишмырҙа ауылынан Заһит Ҡашҡаров отто! Атаһы VI синыфҡа барасаҡ улы Вәхиткә «Йәншишмә»не яҙҙыртҡан икән. Ҡалай шәп бүләк булды! Хәҙер Вәхит йәй буйына велосипедыңда рәхәтләнеп йөрөй инде, ҡотлайбыҙ!
Бүләкте редакцияға килеп алғанда үҙегеҙ менән паспорт йә тыуыу тураһында таныҡлыҡ, ИНН, СНИЛС күсермәләрен килтерергә онотмағыҙ, йәме!
Бына шулай, дуҫтар, «Йәншишмә» үткәргән төрлө уйын, бәйгеләрҙә һеҙ ҙә ҡатнашып тороғоҙ. Гәзитле генә түгел, бүләкле лә булырһығыҙ.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж