+13 °С
Болотло
TelegramVKOK
Бөтә яңылыҡтар
"Яҙыл да бүләк от!"
14 Октябрь 2022, 12:20

Эвелина менән Аделина ла "Йәншишмә" уҡыясаҡ!

Фотола йылмайып торған был ҡыҙҙар Әлшәй районынан Эвелина менән Аделина Шайморатовалар. Киләһе ярты йыллыҡҡа "Йәншишмә" гәзитенә яҙылғанға кәйефтәре шәп уларҙың.

Шулай булмай әллә! "Яҙыл да бүләк от" уйынында ҡатнаша аласаҡтар бит! Кем белә, бәлки, бүләк тә отоп ҡуйырҙар. Ә бүләктәр, һәр ваҡыттағыса, ныҡ шәп!

Апалы-һеңлеле ҡыҙҙар Раевкалағы Мөхәмәтша Буранғолов исемендәге башҡорт лицейында белем ала. Аделина - II, Эвелина V синыфта уҡый. Икеһе лә яҡшы өлгәшә, төрлө бәйге, ижади сараларҙа әүҙем ҡатнашалар. 

Рухлы, илһөйәр, телһөйәр булып үҫеп килгән ҡыҙҙар быға тиклем "Аҡбуҙат" журналын алдырған, хәҙер иһә өйҙәренә "Йәншишмә" лә килә башлаясаҡ. Шуға шатланып бөтә алмайҙар. Гәзитебеҙҙең дуҫтары артыуы беҙҙең өсөн дә оло ҡыуаныс. Һеҙ ҙә "Йәншишмә"гә яҙылмайынса ҡалмағыҙ, дуҫтар! "Йәншишмә"һеҙ - донъя йәмһеҙ ул!

 

Автор:Юлиә Кирәева
Читайте нас: