+9 °С
Болотло
TelegramVKOK
Бөтә яңылыҡтар
"Яҙыл да бүләк от!"
25 Ғинуар , 16:20

Велосипед Әбйәлилгә китә

Ниһайәт, “Йәншишмә”гә 2024 йылдың беренсе яртыһына яҙылыусылар араһында “Яҙыл да бүләк от!” уйынын үткәрҙек.

Еңеүселәрҙе асыҡлау өсөн беҙ Өфөләге Фатима Мостафина исемендәге 20-се башҡорт гимназияһынан бер туған Йосоповтарҙы – III “Б” синыфынан Фаягөлдө һәм I “В”-нан Шайморатты саҡырҙыҡ. Бүләк отоусыларҙы йәрәбә тартыу юлы менән асыҡланыҡ.

Шулай итеп, тәүге бүләк  – сымһыҙ ҡолаҡсындар Бөрйән районы Әтек ауылынан Булат Сәлиховҡа булһа, икенсеһе – смарт-сәғәттең хужаһы – Хәйбулла районы Оло Әбештән Диана Аҡбалина, өсөнсөһө – аҡыллы колонка Өфөнән Лилиә Тимерйәноваға эләкте.

Ә төп приз – велосипед кемдеке булыр? Ныҡ тулҡынланабыҙ. Шайморат кемде бәхетле итер? О, еңеүсе – Әбйәлил яғынан! Шәп! Ҡаҙмаш ауылынан Сынбулат Тәхәүевкә уңыш йылмайҙы.

Ҡотлайбыҙ! Шулай “Йәншишмә” ойошторған бәйгеләрҙә, уйындарҙа ҡатнашып тороғоҙ. Бергә булайыҡ, гәзитте алдырайыҡ, дуҫтар!

 

 

 

Автор:Зөһрә Хәкимова
Читайте нас: