Салауат районы Янғантау мәктәбенең башҡорт теле һәм әҙәбиәте уҡытыусыһы Әлиә Ишморат ҡыҙы Ишбулдина үҙҙәрендә уҡыған VI «А» синыфы уҡыусыһы Наҙгөл Фәтиховаға гәзит-бүләк яҙҙыртҡан.
— Наҙгөл — иманлы, мөләйем, изгелекле ҡыҙ. Ғаиләләрендә биш бала тәрбиәләнә. Ул әсәһенә бәләкәй туғандарын ҡарарға, өй эштәрендә лә ярҙам итә. Әҙәби китаптар уҡырға ярата, бәләкәй туғандарына әкиәттәр һөйләй.
Ата-әсәһе иманлы булғас, өлкән апаһы Элина менән ураҙа тоталар. Уларға гәзит ураҙа айы бүләге булһын, — ти Әлиә Ишморат ҡыҙы.
Афарин, Әлиә Ишморат ҡыҙы! Изге Рамаҙан айында эшләгән изгелегеҙ үҙегеҙгә йөҙләтә артып ҡайтһын!
Рәхмәт һеҙгә, һаулыҡ һәм уңыштар теләйбеҙ!