+28 °С
Болотло
"Йәншишмә" - бүләк" изгелек кәштәһе"
5 Декабрь 2022, 08:20
Ҙур рәхмәт һеҙгә, Фәүзиә Хәкимйән ҡыҙы!
Кешеләргә изгелек ҡылыу файҙалы доға һымаҡ. Бына тағы һөйөнөслө хәбәр алдыҡ. “Йәншишмә”- бүләк” изгелек кәштәһе” акцияһына ҡушылып, Баймаҡ районы Аҡтау ауылында йәшәүсе 83 йәшлек Фәүзиә Хәкимйән ҡыҙы Иҫәндәүләтова 2 дана гәзит-бүләк эшләгән.
Береһе – ейәне, Аҡморон мәктәбенең IV cиныф уҡыусыһы Ирхан Таһировҡа булһа, икенсеһе - ейәнсәре, Баймаҡтағы интернат-лицейҙың V синыфында белем алған Алтынай Таһироваға.Икеһенә лә “Йәншишмә” гәзитен яҙҙырған.
– Балалар рәхәтләнеп өйҙә лә, ә ейәнсәрем интернатта ла синыфташтары менән бергәләп “Йәншишмә”не уҡып, бар яҡтан да өлгөлө, белемле, ҡыйыу, рухлы булып үҫһендәр, – ти Фәүзиә Хәкимйән ҡыҙы.
Бик матур күренеш! Һеҙҙең кеүек изге күңелле, хәстәрлекле өләсәйҙәр күберәк булһын ине.
Ҙур рәхмәт һеҙгә, Фәүзиә Хәкимйән ҡыҙы! Һеҙгә һаулыҡ, бәхетле ҡартлыҡ һәм оҙон ғүмер теләйбеҙ.
Ҙур рәхмәт һеҙгә, Фәүзиә Хәкимйән ҡыҙы!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
