+28 °С
Болотло
"Йәншишмә" - бүләк" изгелек кәштәһе"
6 Декабрь 2022, 10:55
Рәхмәт һеҙгә, Рәмил Миңлебай улы!
Гәзитебеҙҙең сайтында һәм “Бәйләнештә” социаль селтәрендәге төркөмөбөҙҙә “Йәншишмә”- бүләк” изгелек кәштәһе” акцияһы дауам итә. Унда ҡатнашыу өсөн 2023 йылдың тәүге яртыһына “Йәншишмә” гәзитенә яҙылып, балаларға бүләк итергә кәрәк. Аллаға шөкөр, беҙгә ҡыуаныслы хәбәрҙәр килеп кенә тора. Бына әле шатлыҡтары менән уртаҡлашып, Көйөргәҙе районы Яҡшымбәт мәктәбенән шылтыраттылар.
Рәхмәт һеҙгә, Рәмил Миңлебай улы!
Балалар тормошо менән ҡыҙыҡһынып, уларҙың киләсәген ҡайғыртыусы, илем, телем, тип янып йөрөүсе хаҡлы ялдағы Рәмил Миңлебай улы Рахманғолов 2 дана балаларға гәзит-бүләк эшләгән. Кемдәргә, тиһегеҙме? Мәктәптәге иң уңған, иң тырыш һәм яҡшы уҡыусылар Радмир Кинйәғолов менән Йәсминә Итбаеваға. Шәп бүләк!
Уҡыусыларға "Йәншишмә" бүләк иткән Рәмил Миңлебай улына һаулыҡ һәм оҙон ғүмер теләйбеҙ.
Гел шулай изге күңелле һәм йомарт булып ҡалығыҙ!
Рәхмәт һеҙгә, Рәмил Миңлебай улы!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
