+28 °С
Болотло
Яңылыҡтар
18 Май 2023, 09:05
Өфө мэры Һуңғы ҡыңғырау тураһында документҡа ҡул ҡуйҙы
Өфө мэры Ратмир Мәүлиев «2022/23 уҡыу йылында сығарылыш синыфтары өсөн тантаналар уҙғарыу көндәре тураһында»ғы бойороҡҡа ҡул ҡуйҙы. Документ 17 майҙа ҡала хакимиәтенең рәсми сайтында баҫылған.
Өфө мэры Һуңғы ҡыңғырау тураһында документҡа ҡул ҡуйҙы
«2022/23 уҡыу йылын ойошҡан рәүештә тамамлау маҡсатында 2023 йылдың 22 майында XI синыф уҡыусылары өсөн «Һуңғы ҡыңғырау» дөйөм ҡала байрамын үткәрергә», — тиелә текста.
Бынан алдараҡ баш ҡала халҡын 22 майҙа «Торатау» конгресс-холының түбәнге майҙансығында мәктәп тамамлаусылар өсөн тантаналар ойоштороуға бәйле Зәки Вәлиди (Аксаковтан алып Мәжит Ғафуриға тиклем) һәм Мәжит Ғафури (Пятигорск урамынан Пушкин урамына тиклем) урамдары участкаларында хәрәкәтте сикләү тураһында иҫкәрттеләр. Сикләү көндөҙгө сәғәт 12-нән киске 5-кә тиклем ғәмәлдә.
Хәтерегеҙгә төшөрәбеҙ, Башҡортостанда Һуңғы ҡыңғырау уҙғарылған көндә хәмер һатыу тыйыла.
Сығанаҡ һәм фото: bash.bashinform.ru
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
