Гүзәл заттар өсөн нимә генә үткәрелмәне унда! Төрлө оҫталыҡ дәрестәре, консультациялар, арт-терапия... Табиптар ҡабул иткән ҡатта ла халыҡ ҡайнап торҙо. Һүрәттәр күргәҙмәһе иһә байрамды биҙәне.
Балалар менән мөнәсәбәткә арналған майҙансыҡ та эшләне. Психологтар Александра Кабанова, Лия Наумова һәм Юлия Хәкимова буласаҡ әсәләр өсөн дә, бала тәрбиәләүселәр өсөн дә ҡыҙыҡлы әңгәмә үткәрҙе, файҙалы кәңәштәр бирҙе.
Ғөмүмән, форумдың һәр сығыш яһаусыһын тыңлағы килә ине. Барыһы ла ҡатын-ҡыҙҙарыбыҙға төрлө өлкәләрҙә ярҙам күрһәтеү өсөн эшләне.