Авторҙар китап йәрминкәһенә килеүселәрҙе ҡыҙыҡлы тема буйынса фекер алышырға саҡыра. «Фэнтези замана балалары һәм үҫмерҙәренә нисек йоғонто яһай?» тип атала ул.
Юрий Кузнецов «Тылсымлы донъя лабиринттары» повестар циклы һәм «Зөбәржәт ямғыр һәм башҡа повестар» әкиәттәре, фантастик хикәйәләре менән билдәле. Параллель донъяларға порталдар, аҡыллы динозаврҙар, антидонъя – быларҙың барыһын да ошо яҙыусының китаптарында табырға мөмкин. Адель Кейн иһә – фэнтези романдар авторы.