Сибай уҡыусылары һоҡландырҙы

Экспозицияла ысын хитҡа әүерелгән үҫтереүсе уйынсыҡтар серияһы бар. Уларҙың береһе – Башҡортостандың лазер менән һырлап яһалған үҙенсәлекле пазл-картаһы.

Был ябай башватҡыс ҡына түгел, ә балаларға тыуған яҡтың географияһын нығыраҡ белергә ярҙам иткән уйын. Рәсәй картаһы пазлы ла шундай ысул менән эшләнгән. Ә башҡорт орнаменттары менән түңәрәк башватҡыстар һәм Сибай ҡалаһының 70 йыллығына ҡарата яһалған сылтыраҡтар 3D-принтерҙа баҫылған.

— Балалар үҙ идеяларының әһәмиәтле булыуын күрһендәр ине. Уйынсыҡ рәхәтләнеп уйнау ғына түгел, ә үҙеңде күрһәтеү, ижад итеү, үҫешеү һәм хатта аҡса эшләү мөмкинлеге лә, — тип билдәләне Креатив индустриялар мәктәбе етәксеһе Резеда Яхина.

Фото: «Әйҙә, уйнарға!» фестиваленең матбуғат хеҙмәте.