Ҡыйын хәлдәрҙән сыға беләһеңме?

1. Мәктәптә имтиханда яуабын белмәгән билет эләкте. Ни эшләрһең?
А) Шпаргалка эҙләй башлайһың йә яуабын күршеңдән һорайһың;
Б) Дөрөҫмө-юҡмы, нимә булһа ла яҙаһың да ҡуяһың;
В) Билетты тапшыраһың да сығып китәһең – насар баһа булһын әйҙә...

2. Урамда йөрөп ҡайттың да ишекте аса алмайһың, сөнки асҡысың төшөп ҡалған. Һин:
А) Тәҙрәнән керергә тырышып ҡарайһың;
Б) Берәйһенә ҡунаҡҡа сығып китәһең;
В) Атай-әсәйеңде эштән көтәһең.

3. Атай-әсәйең совет фильмын ҡарарға ултырҙы, ә һинең яңы комедияны күргең килә. Ниндәй ҡарар ҡабул итәһең?
А) Розетканан шнурҙы тартып алаһың да, телевизор боҙолған, тип хәбәр итәһең, ә улар йоҡларға ятҡас, теге фильмды ҡуяһың;
Б) Ҡаршы йорттағы дуҫыңа бараһың – бергә ҡарайһығыҙ;
В) Китап уҡырға ултыраһың йә йоҡларға ятаһың.

4. Синыфташтарың менән киноға йыйындығыҙ, ә һинең аҡсаң өйҙә тороп ҡал­ған. Был автобусҡа ултырғас ҡына асыҡланғас...
А) Берәй пассажирҙан аҡса һорайһың;
Б) Түләмәй шым ғына ултыраһың;
В) Төшөп ҡалып, өйгә ҡайтаһың.

5. Бөгөн – ял, әсәйеңдең тыуған көнө. Бөтөнләй онотҡанһың. Ни эшләрһең?
А) Яҡындағы клумбанан йә үҙегеҙҙең баҡсанан сәскә өҙөп керетәһең;
Б) Атайыңдан тиҙ генә онлайн рәүештә театрға билет алыуын һорайһың;
В) Онотҡаныңды әйтеп, ғәфү үтенәһең.

6. Дуҫың йәйен икенсе ҡалаға сәйәхәткә йыйына. Һинең дә бергә барғың килә. Ҡай­ҙан аҡса алырға?
А) Тиҙ генә берәй әйбереңде һатыу яғын ҡарайһың;
Б) Аҡса эшләп алырға тырышаһың;
В) Атай-әсәйеңдән һорарға мәжбүрһең.

Хәҙер мәрәйҙәрҙе иҫәплә
«А» яуабына – 3, «Б»-ға – 2, «В»-ны һайлаһаң, 1 балл ҡуй.
17 – 18 мәрәй йыйһаң, һин теләһә ниндәй ҡыйын хәлдән сыға беләһең. Башың шәп эшләй. Тик ҡайһы саҡта бигерәк һөмһөҙләшәһең түгелме? Маҡсаттарыңа ирешерһең дә ул, тик бына яҡындарыңды үпкәләтеп ҡуйма...
9 – 16 мәрәй: кәрәк саҡта төрлө хәлдәрҙән сыға алаһың. Үҙеңде лә, башҡаларҙы ла кәм­һетеүгә юл ҡуймайһың. Был маҡтауға лайыҡ.
6 – 8 мәрәй тупланыңмы? Бигерәк йыуаш икәнһең. Был тормошта барыһы ла алдан әҙерләнеп ҡуйылмаған, аҙыраҡ үҙеңә лә уйлай белергә кәрәк! Ҡыйыуыраҡ, әүҙемерәк бул.

Фото: yandex.ru.