+17 °С
Болотло
Бөтә яңылыҡтар
Йолаларыбыҙ
16 Февраль 2018, 15:55
«Нардуғанға кил, туған!»
Ауылыбыҙҙың «Шатлыҡ» балалар баҡсаһы (мөдире – Айгөл Ишкилдина) үҙҙәренең тәрбиәүи эшендә электән милли уйындарға, йолаларға ҙур иғтибар бүлә. Етәкселектең, тәрбиәселәрҙең балаларҙы милли ерлектән айырмай, уларҙы тағы ла ҡыҙыҡһындырып, шул серле донъяға йәлеп итеүе маҡтауға лайыҡ. Күптән түгел ағинәйҙәр ҡоро (етәксеһе – Рәйлә Рәхмәтуллина), «Гөлнәзирә» халыҡ фольклор ансамбле (Рәйлә Ирназарова), «Хазина» ҡумыҙсылар ансамбле (Хафиза Баязитова) менән берлектә байтаҡ ваҡыт беҙҙең тирәлә инде онотолған, хәҙер ҡайтанан тергеҙеү, кескәйҙәрҙе йолаларыбыҙ менән таныштырыу ниәте менән «Нардуған» байрамын үткәрҙе. Ул – башҡорттарҙың ҡояшҡа арналған, йылына ике тапҡыр: ҡышҡы һәм йәйге селләлә уҙа торған байрамы.
Ауылыбыҙҙың «Шатлыҡ» балалар баҡсаһы (мөдире – Айгөл Ишкилдина) үҙҙәренең тәрбиәүи эшендә электән милли уйындарға, йолаларға ҙур иғтибар бүлә. Етәкселектең, тәрбиәселәрҙең балаларҙы милли ерлектән айырмай, уларҙы тағы ла ҡыҙыҡһындырып, шул серле донъяға йәлеп итеүе маҡтауға лайыҡ. Күптән түгел ағинәйҙәр ҡоро (етәксеһе – Рәйлә Рәхмәтуллина), «Гөлнәзирә» халыҡ фольклор ансамбле (Рәйлә Ирназарова), «Хазина» ҡумыҙсылар ансамбле (Хафиза Баязитова) менән берлектә байтаҡ ваҡыт беҙҙең тирәлә инде онотолған, хәҙер ҡайтанан тергеҙеү, кескәйҙәрҙе йолаларыбыҙ менән таныштырыу ниәте менән «Нардуған» байрамын үткәрҙе. Ул – башҡорттарҙың ҡояшҡа арналған, йылына ике тапҡыр: ҡышҡы һәм йәйге селләлә уҙа торған байрамы.
Йола буйынса, күмәкләп бер «өй»гә, беҙҙең осраҡта, бер төркөмдөң залына йыйылып, балалар баҡсаһының музыка белгесе Хәлиҙә Баязитова етәкселегендә, өлкән төркөмдөң тәрбиәселәре Ғәмбәриә Усманова, Зөлфиә Хәйбуллина, Әғниә Ғизетдиноваларҙың ярҙамы менән кескәйҙәр халыҡ уйындарын уйнаны, малайҙар менән ҡыҙҙар ҡара-ҡаршы таҡмаҡ әйтеште, йырланы, бейене. Бергәләп ҡояшҡа мөрәжәғәт иттеләр, ә тәрбиәселәр йомаҡ ҡойҙо.
Ағинәйҙәрҙең мандолинала уйнауы, ҡумыҙ сиртеүе, алғыштар әйтеүе байрамға тағы ла йәм өҫтәне. Тәрбиәсе Лилиә Рәхмәтуллина ата-әсәләр ярҙамы менән ойошторған, артабан тулылана барасаҡ ыҡсым музей, Айгөл Баязитова әҙерләгән милли кейемдәр, биҙәүестәр тәрбиәүи эштә киләсәктә лә хеҙмәт итәсәге көн кеүек асыҡ. Йәнә «Нардуған» байрамында шуныһы ла мөһим – һәр кем үҙе менән күстәнәс алып килә. Ағинәйҙәр мул уңыш, етеш тормош теләп, урындыҡҡа ҡурмас, талҡан, сәксәк ҡуйҙы, изге теләктәр әйтте, доға уҡыны. Көндөң оҙоная башлаған мәленә тура килгән сатлама һыуыҡ (Селлә бабай – Гөлиә Фәхретдинова) иғтибар үҙәгендә булды, сөнки боронғолар ошондай байрамдар тәбиғәт көстәрен ризалатыр өсөн үткәрелә, тип һанаған.
Аҙаҡ инде йола буйынса байрам урамда дауам итте. Саф һауала балалар халыҡ уйындарын уйнаны – арҡан тартышты, бер-береһен сана менән һөйрәтеп ярышты. Шулай ҙа иң ҡыуаныслыһы, моғайын, ат санаһында йөрөү булғандыр. Уны атай кеше – Зәбир Хөшшәмов ойошторҙо. Ниндәй байрам сәйһеҙ, тигәндәй, барыһы ла әсәй-өләсәйҙәр, тәрбиәселәр әҙерләгән тәмлекәстәр менән урамда һыйланды, ҡыштың һыуығын сигендереп, боҫ бөркөп ултырған эҫе самауыр сәйе эсеп кинәнде. Балаларҙың шат йөҙҙәрен күреп, уларҙың көндәлектә һирәк күренгән ҡурмас кеүек аҙыҡты яратып ашауҙарын, милли биҙәүестәрҙе ҡыҙыҡһынып ҡарауын күҙәтеп, был сараның бик әһәмиәтле булыуын аңлайһың.
Зөлфирә ҠАРАҒУЖИНА.
Әбйәлил районы, Ташбулат ауылы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж