«Ағинәйҙәр» ҡоро етәксеһе йоланың тарихы менән таныштырған. Саф һауала «Аҡ тирәк, күк тирәк», «Йәшерәм яулыҡ» һәм «Күмер йөҙөк» башҡорт милли уйындарын бәләкәстәр менән бергәләп уйнағандар.
Йола буйынса ашағандан ҡалған бутҡаны ағас төптәренә һалғас, һамаҡлап, ҡарғалар саҡырғандар.
Ағинәйҙәр доға ҡылып, ямғырҙарҙың күпләп яуыуын, игендәрҙең ишелеп уңыуын теләп фатиха биргән.
Байрамда ҡатнашҡан бар кескәйҙәр бүләктәр алып ҡыуанған.
Фото: vk.com