+33 °С
Ясно
Йолаларыбыҙ
6 Февраля 2023, 05:10
Нар, нар, нардуған, нардуғанға бар туған!
Балаларҙы башҡорт халыҡ йолалары, ғөрөф-ғәҙәттәре менән таныштырыу маҡсаты менән «Ләйсән» балалар баҡсаһында «Нардуған» байрамы үткәрҙек.
«Бал ҡорттары» төркөмө малайҙары һәм ҡыҙҙары музыка дәресендә ҡыш тураһында йырҙар, башҡорт халыҡ бейеүе «Гөлнәзирә»не өйрәнде. Шунан тәрбиәселәре менән «Нардуған» легендаһын үҙләштереп, «Нардуған» башҡорт халыҡ, түңәрәк уйындарын уйнап, йомаҡтар сисеп, һынамыштар, мәҡәлдәр әйтеп, күңелле байрам ойошторҙоҡ. Балаларҙың тыпырлап бейеүҙәре, матур йырҙары, шиғырҙары уға йәм генә өҫтәне.
Балаларҙа был байрам башҡорт халҡының ғөрөф-ғәҙәтенә ҡыҙыҡһыныу уятты. Унан дәрт, көс алып, көр күңел менән таралыштыҡ.
Гөлшаян ИШДӘҮЛӘТОВА, музыка етәксеһе.
Ейәнсура районы, Иҫәнғол ауылы.
Нар, нар, нардуған, нардуғанға бар туған!
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
