«МиллиКей» фольклор байрамы һеҙҙе көтә!

Ул Башҡортостанда йәшәгән халыҡтарҙың Милли кейем көнө айҡанлы ойошторола. Баш ҡала ҡунаҡтарын, балаларҙы сағыу һәм бай мәҙәни-ял программаһы көтә.

Байрамға килеүселәр башҡорт халҡының традицион уйындарын уйнай аласаҡ. Улар араһында тоҡ кейеп һикереү, йомортҡа һалынған ҡалаҡ ҡабып  йүгереү, көршәк ватыу, “Ат эсереү”, “Аҡ тирәк – күк тирәк”, “Йәшерәм яулыҡ” уйындары буласаҡ. Шулай уҡ “Наза”, “Өс таған”, “Марш” кеүек музыкаль уйындарға ла урын бирелгән.

Программала «Атайсал» мәҙәни үҙәгенең ижади коллективтары сығышыт ла буласаҡ. Бынан тыш, теләге булғандар кейеҙ баҫыу, сигеү, биҙәүестәр эшләү, күндән матур әйберҙәр эшләү һәм халыҡ музыка ҡоралдарында уйнау буйынса оҫталыҡ дәрестәренә ҡушыла ала.

Сара үтәсәк урындың адресы: Өфө ҡалаһы, Кустарная урамы, 17.

Башлана: 12:00 сәғәттә.

Телефон: 89374772094.

Фото: dk_rcnt.