Был көндө байрамға килеүселәр 200-ләп артист ҡатнашлығында театрлаштырылған тамаша ҡараны, төрлө бәйгеләрҙә ҡатнаша алды. Ат сабышы, “Ауҙарыш” уйыны , тирмәләр бәйгеһе һәм башҡа конкурстар ҡыҙыу барҙы. Салауат Юлаевты һынландырған иң яҡшы сувенирҙар конкурсында Мәскәүҙән Миңлегөл Дәүләтова еңде. Иң яҡшы тирмә тип Ишембай ауыл советыныҡы табылды. "Салауат бәйгеһе"ндә Тирмән ауылы командаһы беренселеккә сыҡты.