-6 °С
Болотло
Бөтә яңылыҡтар
Ҡыуаныслы хәбәрҙәр
10 Ғинуар 2020, 13:07
Эльвина Кремль Шыршыһын күреп ҡыуанды
Республикабыҙҙың 114 уҡыусыһына Мәскәүҙә уҙған Кремль Шыршыһына барыу бәхете тейҙе. Был Яңы йыл байрамына уҡыу алдынғылары, олимпиада, конкурс еңеүселәре, ишле һәм аҙ тәьмин ителгән ғаиләләрҙән, хәрби хеҙмәткәрҙәрҙең балалары саҡырыу алып ҡыуанғайны.
Шул бәхетлеләр араһында баш ҡалабыҙҙың 21-се лицейында IV синыфта уҡыусы Эльвина Таһирова ла бар ине. Башланғыс синыфта ғына белем алыуына ҡарамаҫтан, Бәләкәй фәндәр академияһында, Бөрөлә үткән «Өкөкәй», «Фән. Интеллект. Ижад – Башҡортостан», «Фән. Телдәр. Киләсәк» кеүек фәнни-ғәмәли конференцияларҙа ҡатнашып өлгөргән.
– Беҙҙең синыфта өлгө булырлыҡ уҡыусылар күп. Мәҫәлән, Гриша үҙенең тикшеренеү эше менән Мәскәүҙә сығыш яһаны, Даша менән Азалиә инвалидтар йортондағы концертта ҡатнашты, Матвей менән Таисия математика, урыҫ теленән олимпиадаларҙа еңеүҙәр яулай, – ти ҡыҙ үҙенең синыфташтары менән дә ғорурланып.
Һәр яҡлап бөтә эштәрҙә уға уҡытыусыһы Елена Николаевна Лиханова ярҙам итә. Лицей директоры Солтан Рузил улы Баҙыҡов та Эльвинаның ҡыҙыҡһыныуҙарын хуплап, ярҙам ҡулы һуҙырға әҙер.
– Декабрь башында уҡытыусым Елена Николаевна, яҡшы уҡығаның, фәнни-тикшеренеү эштәрендә призлы урындар яулағаның өсөн Мәскәүгә Кремль Шыршыһына бараһың, тигәс, ҡыуанысымдың сиге булманы. Әйтерһең дә, Ҡыш бабай минең хыялымды тормошҡа ашырған кеүек. Мәскәүҙе бик ныҡ күргем килә ине. Ошо көндән башлап барыр көндө түҙемһеҙләнеп көтә башланым.
23 декабрҙә беҙҙе Өфө районында урынлашҡан «Элемтәсе» лагерына алып килделәр. Бында Шыршы байрамына барыусыларға башҡорт флагы төҫөндә башлыҡ һәм шарфтар таратып бирҙеләр. Ә иртәгеһенә самолётта Мәскәүгә остоҡ. Ике сәғәттән һуң ҡаланың «Домодедово» аэропортына ла еттек. Унан автобустарҙа, «Снежная Королева. Зазеркалье» фильмын ҡарай-ҡарай, «Альфа» отеленә юлландыҡ. Бындай ерҙә булғаным юҡ ине, шуға миңә һәр нәмә ҡыҙыҡ һәм ғәҙәти булмаған һымаҡ тойолдо. Ашханала ашап алғас, Измайлов Кремленә киттек. Бында беҙ шарҙарҙы биҙәнек, иҫтәлеккә сувенирҙар һатып алдыҡ.
Ә 25 декабрь көндө Кремль Шыршыһы байрамында ҡатнаштыҡ. Тәүҙә йәнһүрәттәр ҡараныҡ, унан Яңы йыл тамашаһы башланды. Үҙебеҙҙәге кеүек Ҡыш бабай һәм Ҡарһылыуҙан тыш, япон Ҡыш бабайын, Мәскәй әбей, Тимер алпамышаларҙы күрҙек. Әкиәт геройҙарының ниндәйҙәре генә юҡ ине! Байрам һуңында беҙгә Кремль рәүешендә тәмлекәстәр йыйылмаһы бүләк иттеләр.
Бик матур тәьҫораттар алып ҡайттым. Ҙурайғас та был сәйәхәтем онотолмаҫ, хәтеремдә һаҡланыр, тип уйлайым, – ти ҡыҙ, Кремль Шыршыһы мәлдәрен күҙ алдына килтереп.
Өфө ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж