+12 °С
Ямғыр
Бөтә яңылыҡтар
Ҡыуаныслы хәбәрҙәр
16 Октябрь 2020, 17:25
Шайморатовсылар ант бирҙе
Баш ҡалабыҙҙың өс белем усағында – Рәми Ғарипов исемендәге 1-се республика башҡорт интернат-гимназияһы, 44-се һәм 162-се полилингваль киң йүнәлешле мәктәптәрендә – Рәсәй Геройы, генерал-майор Миңлеғәли Шайморатов исемендәге синыфтар асылды.
Әйтергә кәрәк, улар республика Башлығы Радий Хәбиров башланғысы менән барлыҡҡа килде.
Республика көнө алдынан әлеге VII синыфтарҙы «Шайморатовсы» сафына ҡабул итеү тантанаһы уҙҙы. Уны Башҡортостан Башлығы Радий Фәрит улы асты. Республика етәксеһе үҙенең телмәрендә Башҡорт кавалерия дивизияһының Бөйөк Ватан һуғышында күрһәткән ҡаһарманлығының баһалап бөткөһөҙ икәнен билдәләп, фронтта ҡатнашҡан барлыҡ хәрби частар араһында ошо дивизия илебеҙгә 78 Советтар Союзы Геройы биреүен, уның составында Дан орденының биш тулы кавалеры булыуын да еткерҙе.
– Беҙ милли геройыбыҙ менән ғорурланабыҙ. Генерал Шайморатов Ватаныбыҙҙы һөйөүҙә һәм уны һаҡлауҙа ысын өлгө булып тора. Ҡәҙерле балалар, мәктәп уҡыусылары араһында һеҙ беренселәрҙән шайморатовсылар булаһығыҙ һәм ышанығыҙ, был бик почётлы һәм яуаплы. Һеҙҙең иңегеҙҙә данлыҡлы комдив иҫтәлегенә лайыҡлы, тыуған Башҡортостандың һәм Рәсәйҙең ысын илһөйәрҙәре булыу яуаплылығы ята, – тип белдерҙе Радий Хабиров.
Йәш шайморатовсылар был исемде лайыҡлы йөрөтөргә, Тыуған ил өсөн һәләк булыусылар исеменә тап төшөрмәҫкә, тыуған еребеҙҙең ышаныслы улдары булырға, төплө белем алырға, илебеҙгә намыҫлы хеҙмәт итергә, һәр ваҡыт «Салауат тоҡомо сигенә белмәй!» тигән девизға тоғро булырға ант итте.
Был сараға уҡыусыларҙың ата-әсәләре лә килде. Улар балаларының ант биреүен ҡыуанып, ғорурланып тыңланы.
Тантананан һуң хәҙер инде йәш шайморатовсылар Милли музейға юлланды. Улар өсөн экскурсия ойошторолдо. Бында уҡыусылар Рәсәй Геройы, генерал-майор Миңлеғәли Шайморатовҡа арналған бүлектә булып, билдәле шәхестең тормош юлы, уның хәрби хеҙмәте менән танышты. Уҡыусыларға был тантананың иҫтәлеге итеп бүләккә генерал Шайморатов тураһында китап тапшырылды.
Рим ҒӘББӘСОВ,
Башҡортостандың мәғариф алдынғыһы,
«Шайморатовсы» синыфы тәрбиәсеһе.
Өфө ҡалаһы, Рәми Ғарипов исемендәге
1-се республика башҡорт интернат-гимназияһы.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж