– Әле күптән түгел ошо уңған, тырыш уҡыусыларыбыҙ бүләкле булды. Бүләктең дә ниндәйе бит әле! "Йәншишмә" гәзитенә ярты йылға яҙылған квитанциялар! Ошондай ҙур бүләккә лайыҡ булған әүҙем уҡыусыларыбыҙ - Радмир Кинйәғолов, Йәсминә Итбаева, Эльвина Бикмаева, Рәсимә Фәйзуллина, Самира Уразбахтина. Уларға артабан да тырышып уҡырға, мәктәптең генә түгел, районыбыҙ,республикабыҙ ғорурлығы булырға яҙһын.
Балалар тормошо менән ҡыҙыҡһынып, уларҙың киләсәген ҡайғыртыусы, илем, телем, тип янып йөрөүсе хаҡлы ялдағы Рәмил Миңлебай улы Рахманғоловҡа, директорыбыҙ Гөлнур Ҡотдус ҡыҙы Аҡһароваға, уҡытыусыбыҙ Рузалия Әхмәҙей ҡыҙы Айҙароваға оло рәхмәттәребеҙҙе еткерәбеҙ. Уларға ныҡлы һаулыҡ, бәрәкәтле оҙон ғүмер теләйбеҙ, – ти башланғыс синыф уҡытыусыһы Фәнүзә Миңлебулат ҡыҙы Хәлитова.