Транспортта 13 һумға кәмерәк түләргә була!

Улар ябай: беренсенән, “Мир” картаһын смартфонға күсереп алырға. Икенсенән, телефонығыҙҙа NFC функцияһы булһын. Сөнки юлға ошо рәүешле түләгәндә генә хаҡ 5 һумға кәмерәк буласаҡ. Ә телефонығыҙҙа виртуаль “Алға” картаһы эшләһә, тағы ла яҡшыраҡ! 8 һум ташлама менән бергә тәүгеһен дә ҡулланһағыҙ, 13 һумға отасаҡһығыҙ.

“Былтыр оҡшаш акция булғайны инде. Пассажирҙар 6 миллион ярым аҡсаһын янда ҡалдырҙы, тиергә була. Шуға быйыл да ошондай мөмкинлек бирәбеҙ”, – ти “Мир” түләү системаһы вәкиле Мария Точилова.

Терминал торған автобус, троллейбус һәм трамвайҙар – ә улар республикала 5 мең ярымдан ашыу – ошо акцияға ҡушылды.Ул йыл аҙағынаса дауам итәсәк. Ҡулаҡсаһыҙ иҫәпләшергә яратыусылар 82% тәшкил итеүен иҫәпкә алғанда, барыһына ла отошло буласаҡ.

2019 йылдан бирле 790 меңдән ашыу “Алға” транспорт картаһы сығарылған. “Мир” менән иһә 34 миллиондан ашыу кеше ҡуллана. Йәнә берҙе ҡабатлайбыҙ, юл хаҡына ташлама виртуаль һәм онлайн карталары булғандарға ғына бирелә. Пластик карта иҫәпкә алынмай. Төп шарт – телефон аша түләү.

Фото: bashinform.ru.