+24 °С
Ямғыр
Ҡыуаныслы хәбәрҙәр
5 Октябрь 2023, 13:00
Ижад миҙгеле асылды
Башҡорт дәүләт академия драма театры 104-се ижад миҙгелен асты. Матур йолаға тоғро ҡалып, Башҡортостандың халыҡ шағирҙары Мәжит Ғафури һәм Мостай Кәрим, СССР-ҙың халыҡ артисы Арыҫлан Мөбәрәков һәйкәлдәренә сәскә һалыуҙан башланды сара.
Ижад миҙгеле асылды
Кискеһен премьера – Заһиҙә Мусинаның “Килен” повесы буйынса спектакле күрһәтелде. Ҡуйыусы режиссеры – Фирғәт Ғарипов, инсценировка авторы – Зөһрә Бураҡаева. Ролдәрҙә: Лилиә Ғәлина, Сара Буранбаева, Эльвира Юнысова, Гөлфиә Рафиҡова, Гүзәл Маликова, Ирек Булатов, Айһылыу Йомағолова, Морат Рафиҡов, Айҙар Шәмсетдинов, Айым Сөләймәнова, Лилиә Сәғитова, Айнур Ғәбитов.
Тамаша залы тулы ине, билеттар әллә ҡасан уҡ һатылып бөттө. Спектакль иҫ киткес, тын алырға ла ҡурҡып ҡарайһың... Ҡунаҡтар актёрҙар менән бергәләп көлдө лә, иланы ла. Ижад миҙгелен уңышлы асыуығыҙ менән, башдрамдар!
Ижад миҙгеле асылды
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
