Иртәгә ҡайҙа барырға була?

Саралар иртәнге 9-ҙа Шәйехзада Бабич һәм Салауат Юлаев һәйкәлдәренә сәскәләр һалыуҙан башланасаҡ. 10-да Совет майҙанында шайморатовсы ҡыҙҙар һәм малайҙар байрамға йыйыла. Төшкө 12-лә бер нисә паркта (Дим, “Беренсе май”, “Тулҡын”, “Ҡашҡаҙан”, “Нефтехимик”, Яҡутов) төрлө уйындар, концерттар старт ала.

Ниһайәт, Сергей Аксаков исемендәге мәҙәниәт һәм ял баҡсаһы асыласаҡ! Ул реконструкцияға ябылғайны. Сәғәт икелә Милли йәштәр театры унда һеҙҙе “Арба” спектакле менән көтә. Дүрттә иһә Башҡорт дәүләт ҡурсаҡ театры сығышы планлаштырылған. Һуңынан Йәш тамашасы театры “Ал сәскә”не күрһәтәсәк. Ул ғына түгел, баҡсала китапхана эшләйәсәк – унда китаптар менән алмашып була. Ҡала тарихы музейы квест һәм фотозона әҙерләй. Йәнә концерт номерҙары, һатыу ойошторола.

Өфө ҡала планетарийында киске алтыла Булат Йосоповтың “Беренсе республика” фильмы бушлай күрһәтелә.

Фото: yandex.ru.