Афарин, йәш ҡурайсы Алмаз Бикмәтов!

«Башҡортостан» дәүләт концерт залы сәхнәһендә 12 йәш музыкант Дмитрий Крюков идаралығындағы Башҡортостан Республикаһының Милли симфоник оркестры оҙатыуында башҡорт классикаһын уйнаны.

Финалсылар дүрт номинацияла сығыш яһаны: фортепиано, тынлы ҡоралдар, скрипка һәм халыҡ ҡоралдары. Композиторҙар балалар өсөн махсус рәүештә яңы әҫәрҙәр ижад итеп, башҡорт классикаһын оркестрға һалған.

Арғаяш районынан йәш ҡурайсы Алмаз Бикмәтов конкурстың I Дәрәжә лауреаты булды. Ул финалда Рөстәм Шәрипов эшкәртеүендә «Сыңрау торна» башҡорт халыҡ йырын башҡарҙы.

 
Алмаз Бикмәтов – Силәбе өлкәһе Арғаяш районының Бәжекәй мәктәбе уҡыусыһы. Ул Илһам Йәғәфәров синыфында белем ала. Алмаз  – күп кенә төбәк-ара конкурс, фестивалдәр лауреаты, шулай уҡ ул Силәбе өлкәһендә башҡорт тарихи-мәҙәни үҙәге сараларында әүҙем ҡатнаша. "Башаккорд" балалар рок төркөмө составында  ла сығыш яһай.

Сығанаҡ, фотолар һәм видео: ҠОРОЛТАЙ/КУРУЛТАЙ