Килгән ҡунаҡтар Бүздәк районында уҙған «Бәлешфест» милли аш-һыу фестивален дә ҡараясаҡ. Төрлө халыҡтарҙың ризыҡтары тәҡдим ителә, оҫталыҡ дәрестәре лә күрһәтелә, концерт та була. Проект етәксеһе Альбина Хәлиуллина әйтеүенсә, был юлы 80 килограмм ауырлыҡтағы ҙур бәлеш бешереләсәк. Әлеге фестиваль дүртенсе йыл үтә, былтыр «Бәлешфест» Президент гранттары фондынан федераль грант та алды.