+18 °С
Ясна
Бөтә яңылыҡтар
Юбилейҙар
2 Февраль 2021, 15:27
«Башҡорт халыҡ ижады"н төҙөүселәрҙең береһе
Ғалим-фольклорсы Фәнүзә Айытбай ҡыҙы Нәҙершинаға – 85 йәш.
Ул 1936 йылдың 7 февралендә Ауырғазы районының Мораҙым ауылында тыуған. 1959 йылда Стәрлетамаҡ дәүләт педагогия институтын тамамлаған. Юғары белем алғандан һуң тыуған районында урыҫ теле һәм әҙәбиәте уҡытыусыһы, Талбазы мәктәбендә директор, ВЛКСМ-дың район комитетында бүлек мөдире булып эшләй. Аҙаҡ Рәсәй Фәндәр академияһы Өфө фәнни үҙәгенең Тарих, тел һәм әҙәбиәт институтында эш башлай. Бар ғүмерен фәнни эҙләнеүҙәргә бағышлай.
Филология фәндәре докторы, Башҡортостан Республикаһының атҡаҙанған фән эшмәкәре, Салауат Юлаев исемендәге дәүләт премияһы лауреаты, Салауат Юлаев ордены кавалеры Фәнүзә Айытбай ҡыҙы күп томлыҡ «Башҡорт халыҡ ижады"н төҙөүҙә ҡатнаша. Үҙе әйтеүенсә, ғүмеренең төп өлөшөн фольклор әҫәрҙәрен өйрәнеүгә, ҡомартҡыларҙы һаҡлауға, уларҙы халыҡтың үҙенә ҡайтарып биреүгә арнай.
«Хәтер хазиналары» тигән йыйынтыҡта: «Тарихыңды, тамырҙарҙы белеү, ҡанбабаларҙың хәтер ебен өҙмәү, өҙөлгән осраҡтарҙа тергеҙеү хәстәрлеген күреп, уны ялғап ебәреү бурысы зыялы, зиһенле ата-бабаларыбыҙҙың аңында яҙылмаған ҡанундар рәүешендә һаҡланған бит. Халыҡ ижадында тергеҙелеү, күсәгилешлек күренештәрендәге тотороҡлоҡтоң мөһим сәбәптәренең береһе ошолор», – тип, хәтер ҡөҙрәтенең мәғәнәүи асылын беҙгә еткерә.
Фото «ВКонтакте» социаль селтәренән алынды.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж